ترامپ امریکانین یئنی میللی تهلوکه‌سیزلیک استراتژیسینی آچیقلادی
امریکا پرزیدنتی دونالد ترامپ اؤلکه‌نین یئنی میللی تهلوکه‌سیزلیک استراتژیسینی آچیقلادیغی سندلرده روسیا و چین-ین استراتژی لرینین امریکانین منفت‌لریله اوست-اوسته دوشدوگینه دقت چکیلدی.
امریکا پرزیدنتی دونالد ترامپ اؤلکه‌نین یئنی میللی تهلوکه‌سیزلیک استراتژیسینی آچیقلادیغی سندلرده روسیا و چین-ین استراتژی لرینین امریکانین منفت‌لریله اوست-اوسته دوشدوگینه دقت چکیلدی.
آغ ائو 55 صحیفه‌لیک میللی تهلوکه‌سیزلیک استراتژیسینی ایجتیمایته تقدیم ائتدی، داها سونرا ایسه پرزیدنت ترامپ آغ ائوده مسئله‌نی دیرلندیردی.
ترامپین میللی تهلوکه‌سیزلیک استراتژیسی "اؤلکه اراضی‌لری، امریکا خالقی و امریکانین حیات طرزی قورونما‌لی"، "امریکانین اینکیشافینی دستکله"، "گوج ایله باریشی قورو" و سون اولا‌راق دا "امریکانین تاثیرینی آرتیر" اساس‌لاری اوزرینده قورولوب.
استراتژی سندلرینده روسیا و چین-ه دقت چکیله‌رک بیلدیریلیب کی، چین و روسیا امریکانین گوجو، نفوذو و ماراق‌لارینا میدان اوخویا‌راق، امریکانین تهلوکه‌سیزلیگینی و اینکیشافینی داغیتماغا چالیشیرلار.
حربی گوج‌لرینی آرتیریرلار، بیلیک و معلوماتلارینی نظارت آلتینا آلا‌راق اؤز خالق‌لارینی تضییق آلتیندا ساخلاییرلار.
امریکا پرزیدنتی دونالد ترامپ وئردیگی آچیقلامادا دئدی کی، روسیا و چین کیمی رقیب قوه‌لرله قارشی-قارشییاییق. بو اؤلکه‌لر امریکانین گوجو قارشی‌سیندا اؤز موضع لرینی قورویورلار. بیز بو اؤلکه‌لرله و دیگر اؤلکه‌لرله چوخ یاخین علاقه‌لر قورماق اوچون جهد گؤسترجییک، لاکین ایلک هدفیمیز اؤز اؤلکه‌میزین ماراق‌لاری اولا‌جاق‌دیر.
پرزیدنت ترامپ هفته سونوندا روسیا پرزیدنتی ولادیمیر پوتین اونا زنگ ائده‌رک، مرکزی کشفیات ایداره‌سی‌نین (سیا) روسیایا خبردارلیق ائتمه‌سی نتیجه‌سینده سن پطرزبوگ شهریندکی ترور هوجومونون قارشی‌سی آلیندیغینا گؤره تشککور ائتدیگینی خاطیرلاتدی.
