تل اؤرگولری گؤچمن‌لری داها تهلوکه‌لی یول‌لاری ایستیفاده ائتمه‌یه

اولوسلار آراسی عفو تشکیلاتی، اوروپا بیرلیگی اؤلکه‌لری‌نین تخمینن 175 میلیون آورو خرجله‌یه‌رک مرز گوونلیگی اوچون چکدیگی تل اؤرگولرین، گؤچمن‌لری داها تهلوکه‌لی یول‌لاری ایستیفاده ائتمه‌یه سؤوق ائتدیگینی آچیقلادی.
لندن مرکزلی اولوسلار آراسی غیر-حکومت قورولوشونون ائتدیگی آچیقلامادا، اوروپا عضوو اؤلکه‌لرین مرزلره تخمینن 235 کیلومتر اوزونلوغوندا تل هؤرگو چکدیگینی ایفاده ائده‌رک،
"بو تل هؤرگولر اینسان‌لارین گلمه‌لرینه مانع اولماقدانسا، یالنیز گؤچمن‌لری داها تهلوکه‌لی قارا و دنیز یول‌لارینا ایستیقامتلندیریر" ایفاده‌سی ایستیفاده ائدیلدی.
آچیقلامادا، بیرلشمیش میللت‌لر تشکیلاتی‌نین قاچقین‌لار عالی کومیسارلیغی‌نین (UNCR) بیلگیلرینه گؤره بو ایلین ایلک 10 آییندا اوروپایا چاتان کؤچکون‌لرین تخمینن 729 مین 883ونون دنیز یولو ایله سیاحت ائتدیگی، قارا یولونو تعقیب ائده‌رک "اوروپایا گیرن" لرین سایسی‌نین ایسه تخمینن 280 مینده قالدیغی خاطیرلادیلدی.
آچیقلامادا، 10 نوامبر تاریخی اعتباریله بو ایل تخمینن 3 مین 500 نفرین اژه دنیزی و آغدنیزینده حیاتینی ایتیردیگی وورغولاندی.
اولوسلار آراسی عفو تشکیلاتی اوروپا و اورتا آسیا دیرکتورو جان دالهاوسن،
"پاریس‌دکی وحشیجه‌سینه سالدیریلارین آردین‌دان پئس ائتمک کیمسنی قورومایاجاق. ایشگنجه و چاتیشما‌دان قاچان‌لارین سایسی آزالمادی. اونلاری قوروما وظیفه‌میز اورتا‌دان قالخمادی "دئدی.