هرتزوگ: ایرانین سالدیریسی ساواش اعلانیدیر
"ایسرائیلین قورولوشوندان بو یانا بو بؤلگه‌ده آختاردیغی سون شئی ساواشا گئتمکدیر"
ایسرائیل جمهورباشقانی اسحاق هرتزوگ، ایرانین اؤلکه‌سینه قارشی هاوا سالدیریلاری سونراسی "بوتون سئچه‌نکلری دگرلندیردیکلرینی" ایفاده ائتدی.
اسحاق هرتزوگ، اینگیلیس سکای نیوز تلویزیونونا، ایرانین ۱۳ آوریل گئجه‌سی تشکیل ائتدیگی هاوا سالدیریلارینا باغلی آچیقلاما وئردی.
ایرانین سالدیریسینی "ساواش اعلانی" اولاراق تانیملایان هرتزوگ، "اعتیداللی اولدوقلاری، (ایران ایله چاتیشمانین) یانیسمالارینی بیلدیکلری و اورتاقلارییلا بوتون سئچه‌نکلری دگرلندیردیکلرینی" ایفاده ائتدی.
ایسرائیلین "باریش یانلیسی" اولدوغونو ساوونان هرتزوگ، "ایسرائیلین قورولوشوندان بو یانا بو بؤلگه‌ده آختاردیغی سون شئی ساواشا گئتمکدیر" دئدی.
ایسرائیل اوچون اؤنجه‌لیکلی مسئله‌نین غزه‌ده‌کی اسیرلرین سربست بوراخیلماسی اولدوغونو دیله گتیره‌ن اسحاق هرتزوگ، غزه‌ده "چوخ ساییدا گئچیش قاپیسی آچدیقلارینی و بؤیوک میقداردا یاردیمین ده چترلرله آتیلماسینی تامین ائتدیکلرینی" اداع ائتدی.
ایسرائیل، ایرانین دمشقده‌کی کونسوللوق بیناسینا ۱ آوریلده هاوا سالدیریسی تشکیل ائتمیش، ایران اینقیلاب گؤزتچیلری اوردوسوندان ۲سی ژنرال روتبه‌سینده ۷ نفر اؤلموشدو.
ایران، ایسرائیلین کونسوللوق سالدیریسینن اؤلکه‌سینین تورپاقلارینا سالدیری معناسینی وئردیگینی و قارشیلیق وئره‌جکلرینی بیلدیرمیشدی.
ایسرائیل ده ایرانین سالدیریلارینا جاواب وئرجگینی بیلدیرمیشدی.
ایران سیراغا گئجه ایسرائیله یوزلرله کامی‌کازه اینسانسیز هاوا آراجی، بالیستیک و کروز موشکی ایله سالدیری باشلاتمیش، بعضی عسگری هدفلرین وورولدوغونو آچیقلامیشدی.
ایسرائیل ایسه سالدیریلارین چوخونون هاوا ساوونما سیستملری طرفیندن اؤنلندیگینی آنجاق گونئیده‌کی بیر عسگری مرکزه موشک اصابت ائتدیگینی ایفاده ائتمیشدی.
ایران سیراغا گئجه ایسرائیله یوزلرله کامی‌کازه اینسانسیز هاوا آراجی، بالیستیک و کروز موشکی ایله سالدیری باشلاتمیش، بعضی عسگری هدفلرین وورولدوغونو آچیقلامیشدی.
ایسرائیل ایسه سالدیریلارین چوخونون هاوا ساوونما سیستملری طرفین‌ن اؤنلندیگینی آنجاق گونئیده‌کی بیر عسگری امرکزه موشک اصابت ائتدیگینی ایفاده ائتمیشدی.
