قسام توغایلاری لبنانین گونئییندن ایسرائیله هوجوم ائدیب
لبنانین گونئیینده یئرلشن قسام توغایلاری ایسرائیلین سرحدده‌کی حربی تاسیسینی اونلارلا کاتیوشا راکتلری ایله هدفه آلیب
2133294
حماسین حربی قانادی عزالدین القسام توغایلاری لبنانین گونئییندن سرحده یاخین ایسرائیل حربی تاسیسینه اونلارلا کاتیوشا راکتی آتیب.
لبنانین گونئیینده یئرلشن قسام توغایلاری ایسرائیلین سرحدده‌کی حربی تاسیسینه هوجوملا باغلی آچیقلاما وئریب.
آچیقلامادا قید اولونوب کی، ایسرائیلین غزه زولاغی و اردن چایینین باتی ساحیلینده حیاتا کئچیردیگی قیرغینا جاواب اولاراق بو اؤلکه‌نین سرحدده یئرلشن جیبور دوشرگه‌سی آدلانان 796-جی دوغو توغایی "اونلارلا کاتیوشا راکتلری ایله هدفه آلینیب".
ایسرائیل اوردوسو آچیقلاماسیندا لبناندان 20 راکت آتیلدیغینی، بیر چوخونون هاوا هوجوموندان مدافیعه سیستمی طرفیندن ضررسیزلشدیریلدیگینی، بعضیلرینین ایسه آچیق اراضیلره دوشدویونو بیلدیریب.
هوجوم نتیجه‌سینده جان ایتکیسی و داغینتی اولمادیغی بیلدیریلیب.
