ایسرائیل غزه‌ده ساواشی دوام ائتدیرمک ایستییر
هرتزی هالوینین غزه زولاغینین گونئیینده‌کی رفحین ایشغالی ایله باغلی عملیات پلانلارینی تصدیقلدیگی بیلدیریلیب
ایسرائیل اوردوسو، باش قرارگاه رئیسی هرتزی هالوینین غزه زولاغیندا موحاریبه‌نین داوام ائتدیریلمه‌سی پلانلارینی تصدیقلدیگینی آچیقلاییب.
ایسرائیل اوردوسونون ایکس سوسیال مدیا حسابیندان مسئله ایله باغلی یازیلی آچیقلاما وئریلیب.
آچیقلامادا، هالوینین ایسرائیلین گونئی بؤلگه‌سی قوماندانی ژنرال يارون فینكلمان و بعضی قوماندانلارین کئچیردیگی گؤروشلردن سونرا غزه زولاغیندا موحاریبه‌نین داوام ائتدیریلمه‌سی پلانلارینی تصدیقلدیگی بیلدیریلیب.
ایسرائیلین «والا» سایتیندا یئر آلان خبرده باش قرارگاه رئیسینین دانیشیقلار زامانی غزه زولاغینین گونئیینده‌کی رفحین ایشغالی ایله باغلی عملیات پلانلارینی تصدیقلدیگی بیلدیریلیب.
ایسرائیلین افراط ساغچی مالیه ناظیری بزالل اسموتریچ دونن دئییب کی، بنیامین نتانیاهونون باشچیلیق ائتدیگی حؤکومت رفحی ایشغال ائتمدیکجه مؤوجود اولماق حقوقو یوخدور.
ایسرائیل حؤکومتینین میصر طرفینه حماس ایله محبوس موبادیله‌سی دانیشیقلارینا «سون شانس وئرمه‌یه حاضیردیر» مساژینی چاتدیریب، لاکین ایرلیلَییش الده اولونماسا، رفح بؤلگه‌سینه قورودان هوجوما کئچه‌جیی بیلدیریلیب.
