افغانیستاندا سئل ان آز ۳۳ جان آلدی
سون ۳ گونده افغانیستانداکی ۲۱ ویلایتده میدانا گلن سئللرده ۳۳ نفرین حیاتینی ایتیردی
افغانیستاندا، سون ۳ گونده میدانا گلن سئللر سببی ایله ۳۳ نفر حیاتینی ایتیردی.
افغانیستان گئچیجی حکومتینین طبیعی فلاکتلردن مسئول دؤولت باخانلیغی سؤزچوسو ملا جانان سایق، مطبوعاتا وئردیگی آچیقلامادا، جان ایتکینلرینین ان چوخ فراه، هرات، زابل و قندهار ویلایتلرینده اوبدوغونو بیلدیردی.
سون ۳ گونده اؤلکه‌ده‌کی ۲۱ ویلایتده سئللر یاشاندیغینی بیلدیرن سایق، ۳۳ نفرین حیاتینی ایتیردیگینی، ۲۷ نفرین یارالاندیغینی سؤیله‌دی.
سایق، ۲۰۰ حیوانین اؤلدوگونو، ۶۰۰دن چوخ ائوین قیسماً زیان گؤردوگونو یا دا تامامیله ییخیلدیغینی و ۲ مین دؤنوم/دکار اکینچیلیک اراضیسینین ده ایستیفاده ائدیله‌بیلمز حالا گلدیگینی ایفاده ائتدی.
اولاسی سئللر سببی ایله جان و مال ایتکینلرینده آرتیش احتیمالی اولدوغونو ایفاده ائد‌ن سایق، کؤمک قروپلارینین سفربر ائدیلدیگینی بیلدیردی.
افغانیستاندا قیش آیلاریندا یاغان قارین هاوالارین ایستیلشمه‌سی ایله اریمه‌سی، شدتلی یاغمورلار و آلت یاپی یئترسیزلیگی نتیجه‌سینده میدانا گلن سئللر، زیانین آرتماسینا سبب اولور.
افقغانیستاندا هر ایل یوزلرجه اینسان بو سببله حیاتینی ایتیریر.
