آمریکا: ایرا‌نین دمشق‌ده‌کی کونسوللوق بیناسینا ائدیلن هوجومدا دخلیمیز یوخدو
ایرا‌نین دمشق‌ده‌کی سفیر‌لیگینین کونسوللوق بیناسینا ایسرائیلین تشکیل ائتدیگی راکت هوجومو نتیجه‌‌سینده ژنرال محمد رضا زاهدی و ژنرال محمد هادی حاجی رحیمی‌ده داخیل اولماقلا 7 مأمورون حیاتینی ایتیردیگی آچیقلانیب
2123721
بیلدیریلیب کی آمریکا، تهران یؤنتیمینه ایرا‌نین سوریه‌نین پایتاختی دمشق‌ده‌کی دیپلوماتیک میسیونونا هوجومدا ایشتیراکینین اولمادیغی بارده معلومات وئریب.
آمریکانین ”اکسیوس“ سایتینین معلوماتینا گؤره، میللی تهلوکه‌سیز‌لیک شوراسینین سؤزچوسو اکسیوس سایتینا " آمریکانین هوجومدا ایشتراک ائتمدیگینی و بوندان اولدن خبردار اولمادیغینی" دئییب.
سؤزچو قید ائدیب کی آمریکا بونو بیرباشا ایرانا چاتدیریب.
ایران سپاه پاسداران‌ین دونن وئردیگی آچیقلامادا ایرا‌نین دمشق‌ده‌کی سفیر‌لیگینین کونسوللوق بیناسینا ایسرائیلین تشکیل ائتدیگی راکت هوجومو نتیجه‌‌سینده ژنرال محمد رضا زاهدی و ژنرال محمد هادی حاجی رحیمی‌ده داخیل اولماقلا 7 مأمورون حیاتینی ایتیردیگی آچیقلانیب.
تل‌آویو رهبرلیگی ایرا‌نین دمشق‌ده‌کی کنسوللوغو‌نون بیناسینا ائدیلن هوجوما گؤره مسئولیتی اوزرینه گؤتور‌مه‌ییب.
