نتانیاهودان رفح شهرینه سالدیری ایله باغلی ادعا
بنیامین نتانیاهو، رفح شهرینه قارشی گؤزله‌نیله‌ن قورو عملیاتینی انگلله‌مک اوچون اؤلکه‌سینده‌کی حزبلرین آمریکا بیرلشمیش دؤولتلری ایله امکداشلیق ائتدیگینی ادعا ائتدی
ایسرائیل باشباخانی بنیامین نتانیاهو، غزه یولاغیندا‌کی سالدیریلاردان قاچان تخمیناً ۱،۵ میلیون نفرین سیغیندیغی گونئیده‌کی رفح شهرینه قارشی گؤزله‌نیله‌ن قورو عملیاتینی انگلله‌مک اوچون اؤلکه‌سینده‌کی حزبلرین آمریکا بیرلشمیش دؤولتلری ایله امکداشلیق ائتدیگینی ادعا ائتدی.
والانین خبرینه گؤره، بنیامین نتانیاهو، خاریجی ایشلر و گوونلیک کمیته‌سینده ائدیله‌ن اؤزل بیر گؤروشمه‌ده، ایسرائیلدهکی بعضی آکتورلارین "حماسا قارشی ظفری" انگلله‌مه‌یه چالیشدیغینی ساووناراق،
"ایسرائیلدهکی حزبلر، ایسرائیلین رفح شهرینده‌کی (قورو) عملیاتینی اؤنله‌مک اوچون آمریکا ایله امکداشلیق ائدیر" دئدی.
حماسا قارشی کمپین یئریتدیکلرینی و رفحده سالدیریدان باشقا سئچه‌نگین اولمادیغینی ادعا ائدن نتانیاهو، آمریکانین بونا قارشی چیخیشینین سببینین اؤزونون بیر فیلیسطین دؤولتینین قورولماسینا مانع تؤرتمه‌سیندن قایناقلاندیغینی ادعا ائتدی.
آمریکا ایله "حماسی اورتادان قالدیرما قونوسوندا دئییل، رفح شهرینه قورو عملیاتییلا گیرمه" قونوسوندا آنلاشیلمازلیق اولدوغونو بیلدیرن بنیامین نتانیاهو، "گئرییه قالان تابورلاری یوخ ائتمه‌دن حماسی عسگری باخیمدان اورتادان قالدیرمانین باشقا بیر یولونو گؤرموروک. بونو ائتمه‌یه قرارلیییق" دئدی.
