پوتین: بئله بیر پلانیمیز یوخ
ولادیمیر پوتین، اؤلکه‌سینین گوونلیک شوراسی ایله اوزایداکی تهدیدلرله موباریزه قونوسونو اله آلدی
روسیا دؤولت باشقانی ولادیمیر پوتین، اؤلکه‌سینین گوونلیک شوراسی ایله اوزایداکی تهدیدلرله موباریزه قونوسونو اله آلدی.
روسیا دؤولت باشقانلیغی ساراییندان (کرملین) وئریله‌ن یازیلی آچیقلامایا گؤره بپوتین، روسیا گوونلیک شوراسی عضولری ایله چئوریم ایچی/آنلاین ییغینجاق تشکیل ائتدی.
ییغینجاغا، روسیا ساوونما باخانی سرگئی شویگونون یانیندا فدرال گوونلیک سرویسی مودورو آلکساندر بورتنیکوو ایله روسیا خاریجی استخبارات سرویسی باشقانی سرگئی ناریشکینین ده آرالاریندا اولدوغو حکومت عضولری قاتیلدی.
پوتین، ییغینجاغین مطبوعاتا آچیق قیسیمینده‌کی دانیشماسیندا، باتیدا، "روسیانین اوزایا نۆوه سلاحی یئرلشدیرمه‌یی پلانلادیغی" یولوندا آچیقلامالار ائدیلدیگینه دقت چکه‌رک "بئله بیر پلانیمیز یوخ" ایفاده‌سینی ایشلتدی.
اوزایدا اولاسی تهدیدلرین اورتادان قالدیریلماسی قونوسونون روسیانین ماراق ساحه‌سینده اولماسی لازیم اولدوغونو وورغولایان پوتین، ییغینجاق‌دا بو قونونون اله آلیناجاغینی بیلدیردی.
