ارمنیستان کولکتیو گوونلیک آندلاشماسی هؤرگوتو توپلانتیسینا قاتیلمایاجاق
آرارات میرزویان، کولکتیو گوونلیک آندلاشماسی هؤرگوتونون ۲۲-۲۳ نوامبردا بلاروسون باشکندی مینسکده تشکیل ائدیلهجک ییغینجاغینا قاتیلماغی پلانلامیر
ارمنیستان خاریجی ایشلر باخانی آرارات میرزویان، کولکتیو گوونلیک آندلاشماسی هؤرگوتونون ۲۲-۲۳ نوامبردا بلاروسون باشکندی مینسکده تشکیل ائدیلهجک ییغینجاغینا قاتیلماغی پلانلامیر.
ارمنیستان خاریجی ایشلر باخانلیغی، "بلاروس خاریجی ایشلر باخانی سرگئی آلینیکوولا ائدیلهن تلفون دانیشماسیندا ارمنیستان-بلاروس گۆندمی قونوسوندا گؤروش آلیش وئریشی ائدیلدی. کولکتیو گوونلیک آندلاشماسی هؤرگوتونون ایشلریله باغلی قونولارا توخونولدو. آرارات میرزویان، ۲۲ نوامبردا مینسکده تشکیل ائدیلهجک کولکتیو گوونلیک آندلاشماسی هؤرگوتو خاریجی ایشلر باخانلاری شوراسی، ساوونما باخانلاری شوراسی و گوونلیک شوراسی کاتیبلر کمیتهسی اورتاق ییغینجاغینا قاتیلابیلمهیهجگینی بیلدیردی" آچیقلاماسینی وئردی.
ارمنیستان باشباخانی نیکول پاشینیان و ارمنی دیپلوماتلار اؤلکهلرینین کولکتیو گوونلیک آندلاشماسی هؤرگوتوندن آیریلماغی هلهلیک دوشونمهدیگینی ایفاده ائتمکله بیرلیکده، هؤرگوته باغلی چکینجهلرینی دیله گتیرمیشلر ایدی. باشباخان پاشینیان، "کولکتیو گوونلیک آندلاشماسی هؤرگوتونون جمهوریت ایچینده مسئولیت ساحهسینی معین ائتمکدن قاچینماسینین" تمل بیر پروبلئم اولدوغونو دوشوندوگونو سؤیلهمیشدی.