آذربایجان و روسیا خاریجی ایشلر ناظیرلری آراسیندا تلفون دانیشیغی اولدو
سپتامبرین 27-ده آذربایجان جمهوریتی‌نین خاریجی ایشلر ناظیری جیهون بایراموو و روسیا فدراسیونونون خاریجی ایشلر ناظیری سرگئی لاوروو تلفوندا دانیشیب‌لار.
سپتامبرین 27-ده آذربایجان جمهوریتی‌نین خاریجی ایشلر ناظیری جیهون بایراموو و روسیا فدراسیونونون خاریجی ایشلر ناظیری سرگئی لاوروو تلفوندا دانیشیب‌لار.
آذربایجان خاریجی ایشلر ناظیرلیگیندن بیلدیریب‌لر کی، تلفون دانیشیغی زامانی، آذربایجان و روسیا آراسیندا مؤوجود امکداش‌لیق گونده‌لیگی، آذربایجان ایله ائرمنیستان آراسیندا نورماللاشما پروسه‌سی، هابئله بولگه‌ده جاری وضعیت موذاکیره اولونوب.
ناظیر جیهون بایراموو آذربایجانین قاراباغ بؤلگه‌سینده یاشایان ائرمنی ساکین‌لرین اولکه یه یئنی‌دن انتگراسیونو مسئله سینده دیالوگا صادق‌لیگینی، اؤلکه‌میزین ائرمنی ساکین‌لرین احتیاج‌لاری‌نین قارشیلانماسی اوچون قاپساملی تدبیرلری داوام ائتدیرجگینی دقته چاتدیریب.
آذربایجان اراضی‌لرینده قوندارما رژیمین بوراخیلماسی و ائرمنی سلاح‌لی قوه‌لری‌نین ترک-سلاحی، هابئله آذربایجان اراضی‌لریندن چیخاریلماسی ایشی‌نین حیاتا کئچیریلدیگی، بونونلا یاناشی، آذربایجانین ائرمنیستان ایله باریش پروسه‌سی‌نین ایره‌لیلمه‌سینده ماراق‌لی اولدوغو وورغولانیب.
تلفون دانیشیغی زامانی همچنین قارشی‌لیق‌لی ماراق دوغوران دیگر مسئله‌لر اطرافیندا فیکیر موبادیله‌سی آپاریلیب.
