روسیا: طرفلری قان تؤکولمه‌سینی دوردورماغا چاغیریریق
زاخارووا، تشکیل ائتدیگی هفته‌لیک مطبوعات توپلانتیسیندا، آذربایجانین قاراباغ‌دا آنایاسال قورولوشو یئنیدن تاسیس ائتمک اوزره باشلاتدیغی آنتی‌ترور عملیاتی حاقیندا دگرلندیرمه‌لر وئردی
روسیا خاریجی ایشلر باخانلیغی سؤزچوسو ماریا زاخارووا، آذربایجانین قاراباغ‌دا آنتی‌ترور عملیاتی باشلاتماسییلا باغلی،
"روس طرفی، اصرارلا، چاتیشمانین طرفلرینی قان تؤکولمه‌سینی دوردورماغا چاغیریر" دئدی.
زاخارووا، تشکیل ائتدیگی هفته‌لیک مطبوعات توپلانتیسیندا، آذربایجانین قاراباغ‌دا آنایاسال قورولوشو یئنیدن تاسیس ائتمک اوزره باشلاتدیغی آنتی‌ترور عملیاتی حاقیندا دگرلندیرمه‌لر وئردی.
قاراباغ‌داکی وضعیتین بیردن گرگینلشمه‌سیندن اؤترو موسکوانین قایغیلی اولدوغونو ایفاده ائد‌ن زاخارووا،
"روس طرفی، اصرارلا چاتیشمانین طرفلرینی قان تؤکولمه‌سینی دوردورماغا، سرعتله عسگری ائیلملری سونا چاتدیرماغا، سیاسی و دیپلوماتیک حل یولونا قاییتماغا چاغیریر" ایفاده‌سینی ایشلتدی.
قاراباغ پروبلئمینین حلی ایله باغلی بوتون آددیملارین روسیا، آذربایجان و ارمنیستان لیدئرلرینین اوچلو بیلدیریده یازیلی اولدوغونو بیلدیرن زاخارووا، سون زامانلاردا روسیا و اولوسلارآراسی آراچیلارین بو پروبلئمین حلینه قاتقی وئرمک ائتمک اوچون چابالار اورتایا قویدوغونو وورغولادی.
زاخارووا، بؤلگه‌ده‌کی روس عسگری گوجلرینین "باریش گوجو" وظیفه‌سینی یئرینه یئتیردیگینی سؤیله‌یه‌رک، بو گوجلرین باشچیلارینین طرفلرله داواملی ارتباط حالیندا اولدوغونو بیلدیردی.
