باخموت ایستیقامتینده‌کی کلیشچیئوکا کندی روسیا ایشغالیندان آزاد ائدیلیب
اوکراینا دونتسک ویلایتی‌نین باخموت ایستیقامتینده کلیشچییوکا کندینی روسیا ایشغالیندان آزاد ائتدیک‌لرینی بیلدیریب.
اوکراینا دونتسک ویلایتی‌نین باخموت ایستیقامتینده کلیشچییوکا کندینی روسیا ایشغالیندان آزاد ائتدیک‌لرینی بیلدیریب.
اوکراینا قورو قوشون‌لاری‌نین قوموتانی الکساندر سیرسکی سوسیال مئدیا حسابیندان وئردیگی آچیقلامادا اوکراینا اوردوسونون باخموت ایستیقامتینده اوغور قازاندیغینی بیلدیریب: " کلیشچییوکا اوکراینا میللی پولیسی‌نین 80-جی هاوا هوجوم بریقاداسی، 5-جی هوجوم بریقاداسی و قاریشیق هوجوم بریقاداسی طرفین‌دن روسیا‌لی‌لاردان تمیزلندی و آزاد ائدیلدی”.
اوکراینا جمهور باشقانلیغی اوفیسی‌نین رهبری آندری یرماک دا سوسیال شبکه‌دکی پای‌لاشیمیندا کلیشچییوکا-نین آرتیق اوکراینانین نظارتینده اولدوغونو یازیب: "اوکراینا تورپاق‌لارینی ایشغالدان خلاص ائتدیک‌لری اوچون عسگرلره تشککور ائدیرم".
اوکراینا باش قرارگاهی سپتامبرین 16-دا دونتسک ویلایتی‌نین آندریوکا کندی‌نین آزاد ائدیلدیگینی آچیقلامیشدی.
خاطیرلاداق کی، 2022-جی ایل فوریه‌نین 24-ده روسیا پرزیدنتی ولادیمیر پوتین اوکراینانی ایشغال ائتمک امرینی وئریب و بونونلا روسیا-اوکراینا محاربه‌سی باشلاییب.
ولادیمیر پوتین بیلدیریب کی، او، بونو رسمی کیئوین ناتو-یا داخیل اولماسی‌نین قارشی‌سینی آلماق و اوکراینانی روسیانین تأثیر دایره‌سینده ساخلاماق اوچون غیرنظامی ائتمک و فاشیست‌لردن تمیزلمک نیتینده‌دیر.
