روسیا:" 4 مین 845 خاریجی مزدور دؤیوشچو اؤلدوردوک"
روسیا ساوونما ناظیرلیگینین مطبوعات کاتیبی ایگور کوناشنکوو اوکراینا اوردوسوندا اکثریتی امریکا، کانادا و آوروپا اؤلکهلریندن اولان 4845 اجنبی مزدور دؤیوشچونو ضررسیزلشدیردیکلرینی بیلدیریب.
روسیا ساوونما ناظیرلیگینین مطبوعات کاتیبی ایگور کوناشنکوو اوکراینا اوردوسوندا اکثریتی امریکا، کانادا و آوروپا اؤلکهلریندن اولان 4845 اجنبی مزدور دؤیوشچونو ضررسیزلشدیردیکلرینی بیلدیریب.
ایگور کوناشنکو آچیقلاماسیندا اوکراینادا دؤیوشه آتیلان اجنبی مزدور دؤیوشچولر حاقیندا معلومات وئرهرک دئییب: "سفربرلیک دالغاسی ایفلاسا اوغراییب و اوکراینا اوردوسوندا جدی ایتکیلر وار. رسمی کیئو بونو گیزلتمک اوچون لاتین امریکاس، آسیا و یاخین دوغو اؤلکهلریندن اجنبی مزدورلار آلماق سعیلرینی سرعتلندیریب.
موناقیشهلرین باشلادیغی 24 فوریه 2022-جی ایلدن بو یانا 84 اؤلکهدن 11 مین 675 اجنبی مزدور دؤیوشچو اوکراینا سلاحلی قوهلرینه قوشولوب. ان چوخ مزدور دؤیوشچو 2022-جی ایلین مارس-آوریل آیلاری آراسیندا گلیب. لهستان-دان 2600، امریکا و کانادانین هر بیریندن 900، گورجوستاندان 800، اینگیلتره و رومانیا-نین هر بیریندن 700، کرواسی-دن 300، فرانسا و سوریه-نین هر بیریندن 200-دن چوخ اولماقلا اوکراینا اوردوسونا مزدور دؤیوشچو قوشولوب. اما ایلکین ایتکیلردن سونرا اونلارین گلیش دینامیکاسی کسکین شکیلده آزالیب.
جولایین 30-نا کیمی قارشیدورمالار زامانی اکثریتی امریکا، کانادا و آوروپا اؤلکهلریندن اولان 4845 خاریجی مزدور دؤیوشچو اؤلدورولوب، 4801-ی ایسه اوکراینا اراضیسیندن قاچیب. حاضیردا اوکراینا اوردوسوندا 2029 اجنبی مزدلو دؤیوشچو وار.
الده ائتدیگیمیز معلوماتا گؤره، اوکراینا اوردوسو یوکسک پرسنل ایتکیسینه گؤره جولای آییندا امریکانین نظارتی آلتیندا آرژانتین، برزیلیا، عراق و سوریه-دن خاریجی مزدورلار آلماغا باشلاییب. امریکا و کانادادا یوغونلاشان بوتون بو مزدور عسگر آلیش-وئریشی ایشلرینی امریکانین کشفیات تشکیلاتی سیا-نین نظارتی آلتیندا اولان اؤزل حربی شیرکتلر حیاتا کئچیریر".