پاکیستان-دا پولیس منطقه‌سینه هوجوم ائدیلیب، اؤلن و یارا‌لانان‌لار وار
پارتلاییش نتیجه‌سینده 4 پولیس حیاتینی ایتیریب، 6 پولیس ده یارالانیب.
پاکیستانین خیبر پختونخوا ایالتینده سلاح‌لی‌لارین پولیس منطقه‌سینه و اورا دستک اوچون گئدن تهلوکه‌سیزلیک قوه‌لرینه هوجومو نتیجه‌سینده 4 پولیس حیاتینی ایتیریب، 6-سی یارالانیب.
یئرلی مطبوعات اورقان‌لارین یایدیغی معلوماتا اساساً، سلاح‌لی‌لار گئجه ساعات‌لاریندا لکی مروت شهرینده‌کی صدار پولیس منطقه‌سینه هوجوم ائدیب‌لر.
هوجوم‌دان سونرا بؤلگه‌یه گئدن پولیس ماشینی سلاح‌لی‌لارین هوجومونا معروض قالیب.
پارتلاییش نتیجه‌سینده 4 پولیس حیاتینی ایتیریب، 6 پولیس ده یارالانیب.
پاکیستان باش ناظیری شهباز شریف صحیفه‌سینده وئردیگی آچیقلامادا پولیسین ترورا قارشی آپاردیغی قرارلی موباریزه‌نین اونودولمایاجاغینی بیلدیریب.
هوجوما گؤره مسئولیتی اؤز اوزرینه آگؤتورن اولماییب.
سون آیلار پاکیستانین خیبر پختونخوا و بلوچستان ایالت‌لرینده ترور هوجوم‌لاری آرتیب.
رسمی ایسلام آباد بو هوجوم‌لارین افغانیستان-دا یئرلشن پاکیستان طالبانی (TTP) طرفیندن پلانلاشدیریلدیغینی و ایداره ائدیلدیگینی بیلدیریب. افغانیستان ایسه بو ادعا‌لاری رد ائدیر.
ژانویه‌نین 30-دا پاکیستانین پیشاور شهرینده گونورتا نمازی زامانی مسجیده تؤره‌دیلن هوجوم نتیجه‌سینده اکثریتی پولیس اولماقلا 102 نفر هلاک اولموشدو.
مارسین 6-دا بلوچستان-دا تؤره‌دیلن هوجومدا ایسه 10 پولیس هلاک اولموشدو.
