یمن-ده آتشکس داها 2 آی اوزادیلیب
یمن حکومتی و حوثی لر آوریلین 2-دن داوام ائدن و دونن (2 آوقوست 2022) باشا چاتان آتشکسی داها 2 آی اوزادیب.
یمن حکومتی و حوثی لر آوریلین 2-دن داوام ائدن و دونن (2 آوقوست 2022) باشا چاتان آتشکسی داها 2 آی اوزادیب.
بیرلشمیش میللت‌لر تشکیلاتی‌نین (بمت) یمن اوزه ل نوماینده‌سی هانس گراندبرگ یازیلی آچیقلاما وئریب.
"طرف‌لرین (یمن حکومتی و حوثی لر) آوقوستون 2-دن اوکتبرین 2-دک عینی شرط‌لرله آتشکس رژیمینی داها 2 آی اوزاتماق باره‌ده راضیلیغا گلدیگینی اعلان ائتمک‌دن ممنونام"، - او دئییب.
بمت-نین یمن اوزه ل نوماینده‌سی بیان ائدیب کی، آتشکسین اوزادیلماسینا دایر راضیلاشما همچنین طرف‌لرین گئنیش آتشکس راضیلاشماسی‌نین مومکون قدر تئز الده ائدیلمه‌سی اوچون دانیشیق‌لارین اینتئنسیولشدیریلمه‌سی اؤهده‌لیگینی ائهتیوا ائدیر.
یمن حکومتی و حوثی لره تقدیم ائتدیگی اوزادیلمیش آتشکس تکلیفی ایله باغلی طرف‌لردن مهم شرح‌لر آلدیغینی بیل‌دیرن گراندبرگ دئییب:
"گئنیش لندیریلمیش آتشکس تکلیفی شفاف اؤدنیش مکانیزمی، دؤولت قوللوقچولاری‌نین و امکلی معاش لارینین دوزنلی اؤدنیلمه‌سی، تعز و دیگر ایالت‌لره یول‌لارین آچیلماسی، صنعا اولوسلار آراسی هاوا لیمانیندان داها چوخ ایکی طرف‌لی اوچوش‌لار، چوخ‌لو یانا‌جاق و اونون تامین ائدیلمه‌سی ایله باغلی راضیلیغا گتیریب چیخارا‌جاق. آیریجا اولا‌راق حدیده لیمانیندان دوزنلی نقلیاتین اولماسینا تحفه وئره بیلر".
قئید ائدک کی، یمن-ده ایرانین دستکلدیگی حوثی لر 2014-جو ایلین سپتامبریندان پایتاخت صنعا و بعضی بؤلگه‌لره نظارت ائدیر.
سعودی عربیستانی‌نین رهبرلیک ائتدیگی کوالیسیون قوه‌لری 2015-جی ایلین مارس آییندان حوثی لره قارشی یمن حکومتینه دستک وئریر.
