ایراندان ترور سوچلاماسی
"آمریکانین ماجراچیلیغینین و ایستراتژیک خطاسینین بؤلگهنین ثابتلیک و گوونلیگینه یؤنهلیک نتیجهلردن خبرسیز اولدوقلارینی گؤستریر"
ایران، آمریکا بیرلشمیش دؤولتلرینین اینقیلاب محافظهلرینی ترور لیستهسینه آلما قرارینا دستک وئرن سعودی عربیستان و بحرینی ترورو دستکلهمکله سوچلادی.
ایران خاریجی ایشلر باخانلیغی سؤزچوسو بهرام قاسمی، یازیلی آچیقلاماسیندا،
"بعضی بؤلگه اؤلکهلری گؤزلرینی و قولاقلارینی باغلاییب بؤلگه دیشی گوجلرین دئدیکلرینه اویماغی عادت حالینا گتیردیلر" ایفادهسینی ایشلتدی.
آمریکانین اینقیلاب محافظهلرینی ترور لیستهسینه آلما قرارینا دستک وئرن سعودی عربیستان و بحرینین بؤلگهنین حقیقتلرینی درک ائتمکدن اوزاق اولدوغونو قید ائدن قاسمی،
"بو ایکی اؤلکهنین توتومو، آمریکانین ماجراچیلیغینین و ایستراتژیک خطاسینین بؤلگهنین ثابتلیک و گوونلیگینه یؤنهلیک نتیجهلردن خبرسیز اولدوقلارینی گؤستریر" دگرلندیرمهسینی وئردی.
قاسمی، ایکی اؤلکهنی بؤلگهسل و قلوبال ترورو دستکلهمکله سوچلادی.
آمریکا پرزیدنتی دونالد ترامپ، اؤنجهکی گون ایران اینقیلاب محافظهلری اوردوسونون آمریکانین خاریجی ترور هؤرگوتلری لیستهسینه علاوه اولوندوغونو بیلدیرمیشدی.
ایران میللی گوونلیک یوکسک شوراسی دا بونا قارشیلیق آمریکا مرکزی گوجلرینی (سنتکام) ترور هؤرگوتلری لیستهسینه آلدیغینی آچیقلامیشدی.
سعودی عربیستان و بحرین ده آمریکانین قرارینا دستک وئردی.