ایسراییل-لی ناظیردن قالماقاللی چاغیریش
ایسراییل-ین داخیلی تهلوکهسیزلیک ناظیری گیلاد اردان فیلیسطین حکومتینین رهبری محمود عباسین یاخین زاماندا خاریجی اؤلکهیه سفر ائتدیگی حالدا اؤلکهیه بوراخیلماماسی اوچون چاغیریش ائتدی.
ایسراییل-ین داخیلی تهلوکهسیزلیک ناظیری گیلاد اردان فیلیسطین حکومتینین رهبری محمود عباسین یاخین زاماندا خاریجی اؤلکهیه سفر ائتدیگی حالدا اؤلکهیه بوراخیلماماسی اوچون چاغیریش ائتدی.
بو بارهده خبری ایسراییل دؤولت یاییم تشکیلاتی (کان) یایدی.
ایسراییل-لی ناظیر "Reshet Bet" رادیوسونا وئردیگی موصاحیبهده ایسراییل-ین کئچمیشده فیلیسطین-ین مرحوم لیدری یاسر عرفاتین آرزو اولونماز آدام اعلان ائتدیگینی خاطیرلاتدی، عینی موناسیبتین محمود عباسا گؤستریلمهلی اولدوغونو بیلدیردی.
اردان فیلیسطین-ین دؤولت باشچیسینین باریش پروسه سینه هئچ بیر تحفه سی اولمادیغینی، ایسراییله ضرر وئردیگینی ادعا ائتدی.
"عباس اؤلکهدن اوزاقلاشدیریلمالیدیرمی؟" سوالینا جاواب وئرن اردان: " یالنیز اوزاقلاشدیریلمالی دئییل، حتی ایسراییله قارشی سیاستینی دییشنه قدر اؤلکهیه گیریشینه ایمکان وئریلمهمهلیدیر" دئدی.
ناظیره گؤره محمود عباس فیلیسطینلیلری دولایی، و یا بیرباشا اولاراق ایسراییله قارشی قیزیشدیراراق غزه مسئلهسیندکی گرگینلیگین اساس فاکتورو رولونو اویناییر.
گیلاد اردان ایسراییل اردوسونون غزه-دن گلن راکتلره جاواب وئرمهیه داوام ائدجگینی وورغولایاراق، گئنیش میقیاسلی عملیاتین حماسین موضعینه گؤره معین اولوناجاغینی بیلدیردی.
ایسراییل-لی ناظیرین بو آچیقلامالاری غیری-قانونو مسکونلاشدیریلمیش یهودیلرین فیلیسطین حکومتینین رهبرینین اؤلدورولمهسینه دایر چاغیریشلاریندان سونرا وئرمهسی دقت چکدی.
خاطیرلاداق کی، ایسراییل ایله فیلیسطین آراسینداکی باریش دانیشیقلاری ایسراییلین 1967-جی سرحدلری، مجبوری کؤچه معروض قالان فیلیسطینلیلرین گئری دؤنمه حاقی و یهودی یاشاییش منطقهلرینین اینشاسینین دایاندیریلماسی ایله باغلی شرطلری قبول ائتممهسی سببیندن 2014-جو ایلین آوریل آییندا دایانمیشدی.