روسیا، ارمنستانداکی اولایلاردان قایغیلی
"باش وئره‌ن سون حادثه‌لر سببیله راحاتسیز اولماماق مومکون دئییل"
روسیا خاریجی ایشلر باخانی سئرگئی لاوروو ارمنیستان‌دا اسکی پرزیدنت روبرت کوچاریانین توتوقلانماسی ایله گلیشن حادثه‌لردن قایغی دویدوقلارینی بیلدیردی.
لاوروو، موسکوادا ژورنالیستلره وئردیگی آچیقلامادا، ارمنیستان‌دا، ۱ مارس ۲۰۰۸ده‌کی اعتراضلار زامانی چیخان حادثه‌لر سببی ایله آنایاسال دوزه‌نی پوزماقلا سوچلانان اسکی پرزیدنتی روبرت کوچاریانا قارشی توتوقلاما قرارینی دگرلندیردی.
ارمنیستان‌دا می آیین‌دا باش وئره‌ن سیاسی بحرانین، طرفلر آراسین‌دا آنلشما ایله حل ائدیلمه‌سینی سئوینجله قارشیلادیقلارینی خاطیرلادان لاوروو،
"روسیا اولاراق طرفلرین آنلاشمایلا چؤزومه چاتماسی سونراسیندا، یئنی رهبرلیگین بو آنلاشماچی توتومو داوام ائتدیرجیینی اومود ائدیردیک" دئیه دانیشدی.
روسیانین، بیر متفیقی اولاراق ارمنیستان‌دا دایما ثابت‌لیک‌دن یانا اولدوغونو بیلدیره‌ن لاوروو،
"آنجاق باش وئره‌ن سون حادثه‌لر سببیله راحاتسیز اولماماق مومکون دئییل. ارمنیستان‌دا یئنی حکومتین داورانیشلاری ایله دئدیکلری ضدیت تشکیل ائدیر. یئنه ده پروسه‌نین یاخشی شکیل‌ده داوام ائتمه‌سینی آرزولاییریق" دئدی.
ایروان محکمه‌سی، گئچن هفته وئردیگی قرارلا، ارمنیستان‌دا ۱ مارس ۲۰۰۸ده ۱۰ نفرین اؤلومو ایله نتیجه‌لنن اعتراضلار زامانی چیخان حادثه‌لر سببیله کوچاریانین توتوقلانماسینا قرار وئرمیشدی.
کوچاریان ایسه وئردیگی آچیقلامادا، اتهاملارین ساختا دلیللرله دستکلندیگینی مدافعه ائد‌رک، اؤلکه‌ده ائدیله‌جک پارلمان سئچیملرینه ایشتیراکینین انگلله‌نمه‌سینه چالیشیلدیغینی ادعا ائتمیشدی.
