پ.کا.کا/پ.ی.د ادلیب-ده سیویل لره هوجوم ائتدی: 3 سیویل اولدو
پ.کا.کا / کا.ج.کا / پ.ی.د-ی.پ.گ ترور تشکیلاتینین قاچقین دوشرگهلری آتشه توتماسی نتیجهسینده 3 سیویل هلاک اولوب، 15 نفر ایسه یارالانیب.
پ.کا.کا / کا.ج.کا / پ.ی.د-ی.پ.گ ترور تشکیلاتینین سوریه-نین عفرین بؤلگهسیندن ادلیب ویلایتینین قوزیی ینده کی قاچقین دوشرگهلری هاوا توپلاری ایله آتشه توتماسی نتیجهسینده 3 سیویل هلاک اولوب، 15 نفر ایسه یارالانیب.
ترور تشکیلاتی ایشغال ائتدیگی سوریه-نین عفرین بؤلگهسینین جیندرس منطقهسیندکی موضع لردن آتمه قاچقین دوشرگهسینی هاوا توپلاریندان آتشه توتوب.
ایلکین معلوماتلارا گؤره هوجوم نتیجهسینده بیر قادین اولماقلا 3 نفر حیاتینی ایتیریب، آرالاریندا قادین و اوشاقلارین دا اولدوغو 15 سیویل ایسه یارالانیب.
هوجومدان سونرا موختلیف قاچقین دوشرگهلرینین بیر یئرده اولدوغو آتمه دوشرگهسینده اولان سیویل لرین پانیک و قورخو یاشادیغی موشاهیده اولونوب.
قئید ائدک کی، سوریه-ده 2011-جی ایلدن بریدیر داوام ائدن ایچ ساواشدان تأثیرلنهرک ائولرینی ترک ائتمک مجبوریتینده قالان سیویل لر دوشرگهلره سیغینیر.