یمن‌ده شدتلی قارشیدورما‌لار

یمن‌ده حوثی‌لر ایله سابیق پرزیدنت علی عبدالله صالح طرفداری آراسیندا باش وئرن قارشیدورما‌لار نتیجه سینده 32 نفر حیاتینی ایتیردی، اونلارلا آدام دا یارالاندی.

خالق مقاومت قوه لری‌نین سؤزجوسو عبدالله اش شندکی شخصی "فیسبوک" صحیفه سیندن وئردیگی آچیقلامادا، میلی اوردو ایله مقاومت قوه لری و حوثی لر ایله اونلارا دستک وئرن علی عبدالله صالح طرفدارلاری آراسیندا پایتاخت صعنا‌نین شرقینده یئرلشن "نئهم" قصبه سینین "جبل یام" بؤلگه‌سینده شدت‌لی توققوشما‌لارین باش وئردیگینی بیلدیردی.

حاکمیت طرفداری اولان قوه‌لرین "جبل ال کارنی" نظارتلرینی کئچیردیکلرینی بیل‌دیرن شندکی قارشیدورما‌لار نتیجه‌سینده 28  حوثی سلاح‌لی‌سی‌نین اؤلدورولدوگونو، اونلارلا سلاح‌لی‌نین دا یارالاندیغینی قئید ائتدی.

شندکی میلی اوردو ایله مقاومت قوه‌لرین‌دن ده 4 نفرین هلاک اولدوغونو، 11 نفرین ده یارالاندیغینی بیلدیردی.

ال بیدا بؤلگه‌سینده ایسه حوثی‌لر طرفین‌دن یول کنارینا یئرلشدیریلن پارتلاییجی‌نین پارتلاماسی نتیجه سینده خالق مقاومت قوه لری‌نین بیر عضوو حیاتینی ایتیردی.