قسام توغایلاری ایسرائیل عسگرلرینی پوسقویا سالیب
قسام توغایلاری طرفیندن ائدیلن یازیلی آچیقلامادا، قورودان بیت حانونا گیرن ایسرائیل عسگرلرینین گئجه ساعاتلاریندا پوسقویا سالیندیغی بیلدیریلیب
![قسام توغایلاری ایسرائیل عسگرلرینی پوسقویا سالیب](http://cdn.trt.net.tr/images/xlarge/rectangle/e244/935c/08d6/664db990ad80c.jpg?time=1718771214)
حماسین حربی قانادی عزالدین قسام توغایلاری غزه زولاغینین قوزئیینده پوسقویا دوشن ایسرائیل عسگرلری آراسیندا ان آزی 10 اؤلو و یارالی اولدوغونو آچیقلاییب.
قسام توغایلاری طرفیندن ائدیلن یازیلی آچیقلامادا، قورودان بیت حانونا گیرن ایسرائیل عسگرلرینین گئجه ساعاتلاریندا پوسقویا سالیندیغی بیلدیریلیب.
آچیقلامادا بیت حانوندا 10 ایسرائیل عسگرینی داشییان اتومبیلین اولجه وورولدوغو، داها سونرا ماشینا ال قومبارالارینین آتیلدیغی، پوسقویا دوشن عسگرلرین یاردیمینا علاوه قووهلرین گؤندریلدیگی بیلدیریلیب.
آچیقلامادا، یاردیم قووهنین گلدیگی زامان اتومبیلدهکی پارتلاییجینین ایشه دوشدویو، پوسقویا دوشن و یاردیما گئدن عسگرلرین اؤلدویو و یا یارالاندیغی بیلدیریلیب.
آچیقلامادا غزه زولاغینین گونئییندهکی رفح بؤلگهسینده ایسرائیل اوردوسونا مخصوص ایکی «D9» حربی بولدوزرینین «یاسین-105» راکتی ایله هدفه آلیندیغی قید ائدیلیب.
ایسلامی جهادین حربی قانادی قودس توغایلاری طرفیندن وئریلن آچیقلامادا جبالیا دوشرگهسینین دوغوسوندا ایسرائیل اوردوسونا مخصوص ماشینلارین و ایسرائیل عسگرلرینین هدف آلیندیغی بیلدیریلیب.
جبالیه دوشرگهسینده بیر بینانین آرخاسیندا یئرلشن ایسرائیل عسگرلرینین فتح حرکاتینا باغلی الاقسی شهیدلری توغایی ایله بیرلیکده چوخلو قومبارا گولهسی ایله هدفه آلیندیغی بیلدیریلیب.
قید ائدیلیب کی، رفح شهرینین دوغوسوندا ایسرائیل عسگرلری و ماشینلاری قومبارا گولهلری و آغیر سیلاحلاردان آتشه توتولوب.
بیلدیریلیب کی، غزه زولاغینین مرکزی حیصّهلریندهکی دیر البلحدهکی کسریه مکتبی اطرافیندا ایسرائیل اوردوسونون ماشینلاری و ایسرائیل عسگرلری قومبارا گولهلری ایله هدفه آلینیب.
قید اولونوب کی، ایسرائیل اوردوسو اؤلن و یارالانان ایسرائیل عسگرلرینی هلیکوپتر ایله بؤلگهدن چیخارارکن گؤرونتولنیب.