رئیسینین جنازه نامازینی خامنهای قیلدیردی
جمهورباشقانی رئیسینین جنازهسی مشهد شهرینه گؤندریلهجک، خاریجی ایشلر باخانی امیرعبداللهیانین جنازهسی ایسه دفن ائدیلهجگی تهراندا قالاجاق
۱۹ میده هلیکوپتر قضاسیندا حیاتینی ایتیرهن ایران جمهورباشقانی ابراهیم رئیسی، خاریجی ایشلر باخانی حسین امیرعبداللهیان و دیگر مسئوللار اوچون، باشکند تهراندا جنازه نامازی قیلیندی.
تهران بیلیمیوردو یئرلشکهسیندهکی جنازه نامازینی، اؤلکهنین دینی لیدئری آیت الله علی خامنهای قیلدیردی.
محدود ساییدا وطنداشین آلیندیغی ناماز ساحهسینه گیرهبیلمک ایستهیهن مینلرجه اینسان، اونیوئرسیته قاپیسیندا گؤزلهدی.
ناماز سونراسی آزادی میدانیندا تشکیل ائدیلهجک جنازه مراسیمه قاتیلماق ایستهیهن یوز مینلرجه وطنداش دا اونیوئرسیتهنین یانینداکی اینقیلاب میدانیندا و بؤلگهیه چیخان یوللاردا توپلاندی.
قالابالیغین آرتماسی و یئریمهده چتینلیک چیخماسی سببی ایله وظیفهلیلر، خالقی آزادی جادهسیندن مراسیمین ائدیلهجگی آزادی میدانینا یؤنلندیردی. خالق، میدانا دوغرو یئریدی.
بو آرادا اؤلکه نمایندهلرینین تعزیهلرینین قبول ائدیلهجگی بیر مراسیم ده تشکیل ائدیلهجک.
مراسیمده تورکیهنی جمهورباشقانی کؤمکچیسی جؤودت ییلماز و خاریجی ایشلر باخانی هاکان فیدان تمثیل ائدهجک.
داها سونرا جمهورباشقانی رئیسینین جنازهسی مشهد شهرینه گؤندریلهجک، خاریجی ایشلر باخانی امیرعبداللهیانین جنازهسی ایسه دفن ائدیلهجگی تهراندا قالاجاق.
دفن ایشلری ایسه یارین ائدیلهجک مراسیملرین آردیندان گئرچکلشهجک.