جان کری: آمریکا موتتفیق‌لری‌نین ناراحات‌لیق‌لارینی آرا‌دان قالدی
داعش ایله مباریزه موضوعسونون دا اله آلیندیغینی ایفاده ائدن کری، یالنیز سلاح‌لی مباریزه ایله داعشین یوخ ائدیله بیلمه‌یه‌جگینی، تشکیلاتین سیاسی و اقتصادی دستگی‌نین ده کسیلمه‌سی لازیم اولدوغونو وورغولادی
کؤرفز امکداش‌لیق شوراسی خاریجی ایشلر باخانلاری توپلانتی‌یا قاتیلان آمریکا خاریجی ایشلر باخانی جان کری، ایران ایله الده ائدیلن نوکلئر راضیلاشما موضوعسوندا موتتفیق‌لری‌نین ناراحات‌لیق‌لارینی آرا‌دان قالدیرماغی باجاردی.
قطرین باشکندی دوحه‌دکی توپلانتی‌نین آردین‌دان بیر آچیقلاما ائدن کری، ایرانلا راضیلاشمانین تطبیق کئچمسیله کؤرفزده گوونلیگین تامین ائدیله‌جگی موضوعسوندا همفیکیر اولدوق‌لارینی سؤیله‌دی.
داعش ایله مباریزه موضوعسونون دا اله آلیندیغینی ایفاده ائدن کری، یالنیز سلاح‌لی مباریزه ایله داعشین یوخ ائدیله بیلمه‌یه‌جگینی، تشکیلاتین سیاسی و اقتصادی دستگی‌نین ده کسیلمه‌سی لازیم اولدوغونو وورغولادی.
کری، کؤرفز اؤلکه‌لرینه سلاح ساتیشینی آرتیرا‌جاق‌لارینی قید ائتدی.
قطر خاریجی ایشلر باخانی خالید بن محمد العطیه ده، ایران ایله الده ائدیلن راضیلاشمانین کؤرفزده داها اعتبارلی بیر یئر ائدجگی موضوعسوندا بوتون اؤلکه‌لرین گؤروش بیرلیگی ایچینده اولدوق‌لارینی سؤیله‌دی.
بؤلگنی نوکلئر سلاح تهدیدین‌دن قورتارمانین اهمیت‌لی اولدوغونون وورغولایان قطر خاریجی ایشلر، ایران ایله ائدیلن رازیلاشمانین اولا بیله‌جک ان یاخشی نتیجه اولدوغونو ایفاده ائتدی.
