İlbaşınıň Äfrika säfärläre

Törkiyä ilbaşı Räcäp Tayyip Ärdoğan cömhüriyät tarixında 23 Afrika ilenä säfär qılğan berdänber lider buldı.

İlbaşı Ärdoğan säfär yasağan illärdä däwlät başlıqları, säyäsätçelär häm êş wäkilläre belän oçraşıp Törkiyä belän Afrika illäre arasında küp sanda ike yaqlı kileşülär imzalaw barışında da äydäp baruçı buldı.

Älege säfärlär waqıtında Törkiyäneň 2009 nçı yılnıň mart ayında 12 bulğan Afrikadağı tulı wäqalätle ilçelek sanı bügenge köndä 39 ğa citte.

Ärdoğan täwge Afrika säfären 2004 nçe yılda  Misırğa yasadı.

2005 nçe yılda Êfiopiya (Xäbäşstan),Kön’yaq Afrika Cömhüriyäte,Tunis häm Marokkoga barğan Törkiyä ilbaşı ,2006 nçı yılda Sudan, Misır häm Aljirğa säfär qıldı.

2009, 2010 häm 2011 nçe yıllarda säfärlären däwam ittergän Ärdoğan 2012 häm 2013 nçe yıllarda 7 Afrika ilenä bardı.

İlbaşı däwerendä dä säfärlären däwam ittergän Ärdoğan 2014 nçe yılda Êkvatorial’ Gvineya häm Aljirğa kitte.

2015 nçe yılda Somali, Djibuti häm Êfiopiya säfärlären tormışqa aşırğan Törkiyä ilbaşı 2016 nçı yılda 8 Afrika ilenä säfär qıluğa ireşte.

Törkiyä ilbaşı Räcäp Tayyip Ärdoğan ağımdağı yılnıň 22-26 nçı ğinwar könnärendä Tanzaniya, Mozambik häm Madagaskarğa barıp Afrikada säfär yasağan il sanın 23 kä citkerde.