Törek matbuğatına küzätü 25.07.2017

“Star” gazetı” İslam dönyasında daimi bergälek zarur” isemle xäbärendä Törkiyä ilbaşı Räcäp Tayyip Ärdoğannıň Soğud Ğaräbstanı,Kuveyt häm Katarnı üz êçenä aluçı säfärlärennän soň möhim belderülär yasawı turında yaza.

Xäbärdän kürengänçä, Ärdoğan “Totrıqlılıq häm ike yaqlı ışanıçnı qabat urnaştıru yulında möhim adım yasadıq. Cimerelgänne yaňadan tözü, tözätü bik awır. Kritik däwerdäge bu säfär bik uňışlı uzdı. İslam dönyasında berdämlek häm bergälek daimi bulırğa tiyeş , yanawlarğa mömkinlek birmäskä kiräk” dide.

 “Xäbär Türk” gazetı “Äl Aqsa-märkäzebez”isemle xäbärendä Törkiyä ilbaşı Räcäp Tayyip Ärdoğannıň Farsı qultığı turın tämamlap Törkiyägä qaytuın citkerä.

Gazet Ärdoğannıň İzrailneň “Äl – Aqsa” ğa qarata ğamällärenä reaksiyäsen däwam itterüen belderep tübändäge süzlären citkerä:”Ğibadat başqarırğa kilgän möselmannarğa terrorçılar kebek möğalämä kürsätü aqılğa sıymaslıq xäl. İzrail mondıy totışı belän barı tik üzenä genä tügel böten töbäkkä zıyan kiterä. “Äl Aqsa” – barlıq möselmannarnıň märkäze. İzgeleklärebezne ayaq astına salıp taptawğa tawış-tınsız qalu mömkin tügel”.

”Sabah” gazetı ”Yaňa kabinetta wazıyfalar bilgele buldı” isemle yazmasında yaňa ministrlar şurasınıň prem’yer-ministr Binali Yıldırım räislegendä  Çankaya sarayında täwge tapqır cıyıluın xäbär itä.

Gazet beldergänçä, cıyılışta prem’yer-ministr urınbasarlarınıň wazıyfaları açıqlandı. Xökümät süzçese itep Bäkir Bozdağ  bilgelände. Bozdağ cıyılıştan soň ütkärgän matbuğat oçraşuında İzrailneň “Äl – Aqsa” mäçetenä qarata ğamällärenä reakŝiya belderde. Bäkir Bozdağ “Ğibadät başqarırğa telägän möselmannarğa qarata çikläwlärneň beterelüen telibez”dide.

”Yäni Şafak” gazetı “Cillärebezgä dä küzläre töşte” isemle xäbärendä yaňartıla ala torğan citeşterüdä adımnarın tizlätkän Törkiyäneň qoyaş panelennän soň cil turbinası citeşterüendä dä proyektın tormışqa aşıracağı turında yaza.

Xäbärdän kürengänçä, Törkiyä ênergetika häm tabiği çığanaqlar ministrlığınıň 1000 megavattlıq cil qorılması tendrına dönya şirkätläre pänceşämbe könne täq’dimnären yasayaçaq.

”Vatan” gazetı “İň yuğarı däräcädä iminlek” isemle xäbärendä İstanbul Atatörek isemendäge hawa mäydanında 10 yaňa tikşerü cihazlarınıň qullanıla başlawın uquçıları belän urtaqlaşa.

 Gazet beldergänçä,älege cihazlar Änkara häm İzmir hawa mäydannarında da qullanılaçaq.