Törek matbuğatına küzätü 14.05.2024

Hürriyet” gazetı yazğança Törkiyä ilbaşı Räcäp Tayyip Ärdoğan Greśiya prem’yer-ministrı Kiryakos Miśotakisnı Änkarada qabul itte. Söyläşüdän soñ ike lider matbuğat oçraşuı oyıştırdı. Ärdoğan üz çığışında: “Konstruktiv söyläşü uzdı. Problemalarnı dialog yärdämendä çişäçäkbez,” – dide. Miśotakis ta: “Greśiya Törkiyäneñ Awrupa Berlegenä quşıluın xuplıy,” – dide.

“Yeni Şafak” basması beldergänçä Greśiya prem’yerı Miśotakisnıñ “Xamas”nı terror oyışması itep iğlan itkännän soñ belderü yasağan Törkiyä ilbaşı Greśiya prem’yer-ministrınıñ küzlärenä qarap: “Xamas”nı añlattı. “Xamas” terror oyışması tügel ul. Üz cirlären yaqlawçı oyışma,” – digän Ärdoğan meñnän artıq “Xamas” äğzaseneñ Törkiyädä däwalanuın da açıqladı.

“Star” gazetı Törek häm Ğosmanlı däwläte tarmaqlarındağı êşçänlekläre belän alğı planğan çığuçı Tunislı tarixçı professor, doktor Abdülcämil Tämimineñ süzlären uquçıları belän urtaqlaşa: “Ärdoğan - üzençälekle şäxes. Ul – Törkiyä häm İslam dön’yasınıñ ğorurlığı.”

“Haber Türk” basması citkergänçä Törkiyäneñ Qazna häm finans ministrı Mäxmät Şimşäk tışqı finanslawdağı uñay küreneş belän Törkiyäneñ valyuta rezervlarında yaxşırunıñ däwam itäçägen belderde.

“Sabah” gazetı yazğança dön’yadağı iñ tämle aş-sularnı saylawçı “Taste Atlas” iñ yaxşı sandviçlarnı täqdim itte. İsemlektä berençe bulıp törek aş-suı bulğan tombik dönär urın aldı. İsemlekkä şulay uq başqa törek aş-suları da kerde.