Tırnaq kimerügä qarşı çaralar
Sälamät bulıyq 48/2023
Sälamät bulıyq 48/2023
Tormışta tırnaq kimerü oçraqları belän yış oçraşabız.
Tırnaq kimerü ğadi ğadät bulıp kürensä dä, psixologik säbäpläre bulğan awıru törenä kerä.
Bu awıruda keşe tırnaqların teşläre belän özep ala. Qayber keşelär tırnaqların kimergännän soñ alarnı tökerä, qayberläre isä yota. Bu ğadäte bulğan keşelär tırnaq töplärenä häm tiresenä zıyan kiterä. Tırnaq kimerüçe keşelärneñ qayberlärendä çäç häm tire özü kebek başqa normal’ bulmağan ğadätlär dä bar.
Tırnaq kimerüneñ säbäpläre
Tırnaq kimerü problemasınıñ ni öçen çığuı bilgesez. Şulay uq bu ğadätneñ näseldän kilüe uylanıla. Mondıy keşelärneñ yaqın tuğannarında psixologik problemalar buluı farazlana. Keşelär tırnaqların ğomumän kiyerenke bulğanda häm borçılğanda kimerä.
Tırnaq kimerüneñ zararları
Tırnaq kimerü arqasında barmaqlar, tırnaqlar häm tırnaq tirese zıyan kürä. Tırnaqlar şäkelsez häm zıyan salınğan bula. Bu ğadät şulay uq awızdağı yaralar, teş problemalarınä kiterä ala. Tire infekŝiyase küzätelä alına. Tırnaqların yotuçı keşelär aşqazanı häm êçäkleklär infekŝiyalären dä yoqtıra ala. Tırnaq tiräsendäge viruslar awız quışlığına êläkkännän soñ qabatlanuçı infekŝiyalärne yoqtıru ixtimalın arttıra. Mäsälän, tırnaq kimerü ğadäte bulğan keşelärdä yış räweştä söyäl çığa.
Balalar arasında tırnaq kimerü probleması
Tırnaq kimerü ğadäte küpçelek 3-4 yäş’tä başlana häm yäş’üsmer çorında citdi däräcädä arta. 3 yäşe tulmağan balalar arasında tırnaq kimerü ğadäte siräk oçrıy.
Tırnaq kimerüne niçek taşlap bula?
Bu ğadätne ber köndä taşlap bulmıy läkin telägän oçraqta tırışlıq quyıp taşlarğa bula.
Tırnaq kimerügä qarşı qayber çaralar tübändägelär:
Başta qaysı waqıtlarda tırnaq kimergänegezne añlarğa kiräk. Bu ğadätkä närsäneñ kiterüen abaylap alğannan soñ bu borçularnı beterügä qarağan adım yasarğa bula.
- Tırnaq kimerügä êtärüçe faktorlarnı küzätep barasız ikän tırnaq kimerü yışlığın yazıp barırğa kiräk. Yazğanda tırnaq kimerep bulmıy. Şunıñ öçen tırnaq kimerergä telägändä qulığızğa däftär häm ruçka alığız.
- Tırnaqlarığız härwaqıt qısqa bulsın.
- Tırnaqlarğa aptekalarda satıluçı ütä kürenmäle häm täme naçar bulğan laklar sörtep bula.
- Tırnaqlarığız tärtiptä bulsın.
- Alarnı yabarğa da mömkin. Monıñ öçen perçatka, plastır’ qullanığız.
- Keçkenä balalarğa tırnaq kimerüne taşlasınnar öçen yäm’sez süzlär äytü döres tügel. Çönki bu ğadätne taşlatırğa teläp, alarnı kiresençä moña êtärä alasız.
- Tırnaq kimerü ğadäten uñay ğadät belän almaştırıp qarağız. Mäsälän, tırnaq kimerergä teläsägez, ul waqıtta qulığızğa başqa närsälär alırğa mömkin.
- İkençe ısul isä – tırnaq kimerügä kiterüçe faktorlarnı bilgeläw.
- Tırnaq kimerü ğadäten äkrenläp kimetergä bula. Mäsälän, başta baş barmaqtağı tırnaqlarnı kimermäw. Annan soñ şunı uq başqa barmaqlar öçen yasap qarağız.
- Qayber keşelär öçen terapiya kiñäş itelä. Bu oçraqta keşeneñ probleması belän küzgä küz kilüe kiräk bula.
Avtor – tabib Mäxmät Uçar
