Cännät xörmäseneñ faydaları

“Sälamät bulıyq” tapşıru tezmäbezneñ çirattağı teması -  cännät (Trabzon) xörmäseneñ faydaları.

Cännät xörmäse ni ul?

Türkiyädä kübräk Trabzon xörmäse ataması belän bilgele bu cimeşne Yapon xörmäse häm Urta diñgez xörmäse dip tä atıylar.

Ul sälämatlek öçen faydası küp bulğan vitaminnar, minerallar häm antioksidantlarğa bay. Äytik C vitaminı immun sistemasına teräk bula häm yöräk awırularınnan saqlıy. Kipterelgän cännät xörmäseneñ faydaları da çi cimeşneke belän ber ük. Tik qaysın ğına aşasañ da çamasın belergä kiräk.

Cännät xörmäseneñ yözlägän töre bar häm uñışı közen cıyıp alına. Qış başlarına qadär kiştälärgä yäm’ birep toruçı cimeş qatı waqıtında sarı bula häm citeşkän sayın quyılaşıp äflisun tösenä kerä.

Trabzon xörmäse, monnan tış, uglevodorod êşkärtüne äkrenäytüçe häm qandağı şikärneñ kisäk kütärelüenä yul quymawçı azıq cepsellärenä dä bay.

Xäzer älege tämle cimeşneñ faydaların ayırım-ayırım qarap çığıyq.

1.İmmun sistemasın nığıta

C vitaminına bay cännät xörmäse aq qan küzänäkläre yasawnı arttırıp immun sistemasın nığıtuğa yärdäm itä. 1 cimeş köndälek C vitaminı ixtiyacın qanäğat’länderü öçen citärlek.

2.Küz sälamätlegen saqlıy

A vitaminı küz sälamätlege öçen ähämiyätle. Ul küzneñ mögezle qatlawın häm baş miye belän bäyläneşen saqlıy. Cännät xörmäse A vitaminına bay. Ber cimeş älege vitaminğa ixtiyacnıñ yartısınnan artığın qanäğat’länderä.

Trabzon xörmäse küzläregezne sälamät totuığızğa yärdäm itä ala. Bigräk tä, anıñ qabığı küz awırularınnan saqlawçı lüteinğa bay

3.Aşqaynatu sistemasınıñ dustı

Cännät xörmäsendä B6 vitaminı bar. Ul gazlanu, şeşü häm êç qatudan faydalı. Bigräk tä, cimeştäge cepsellär êçäkleklärneñ döres êşläwe öçen floranı balanslıy.

4.Yöräk awırularına qarşı täêsirle

Antioksidantlarğa bay cännät xörmäsen aşaw xronik awırular qurqınıçın kimetergä yärdäm itä. Qandağı naçar xolesterin däräcäsen töşerüdä êffektiv. Ul, şulay uq, arteriyälärebezne çista totarğa bulışa häm yöräk awıruları riskın kimetä.

5.Yaman şeşkä qarşı üzençäleklärgä iyä

Trabzon xörmäse yaman şeştän saqlawda ähämiyätle rol’ başqara. Üpkä häm êçäklektä älege çirneñ küzänäkläre barlıqqa kilü riskın kimetä.

Trabzon xörmäse qannıñ oyışuına yärdäm itüçe magniydan tış A häm C vitaminnarı öçen yaxşı çığanaq. Anda, yaman şeş häm paraliçnı da kertep, bik küp citdi xastalıqqa qarşı köräşüçe başqa antioksidantlar bar.

6. Şikär xastalığına kirtä bula

Cännät xörmäsendä diabetqa qarşı täêsirle matdälär bar. Tik diabettan saqlasa da, şikäre küp bulu säbäple çama belän aşarğa kiräk.

7.Tirene yaxşırta

Cännät xörmäse cıyırçıqlarnıñ häm qartayu belän barlıqqa kilgän tire taplarınıñ kiçegüenä yärdäm itä.

8.Cännät xörmäsen balağa uzuçılarğa da aşarğa yarıy

Awırlı waqıtta tuqlanuğa älege cimeşne dä östi alasız. Ul ana öçen dä, bala öçen dä faydalı. Xörmädäge kal’śiy, fosfor şikelle minerallar bäbäyneñ söyäk üseşenä öleş kertä. Timer isä anada barlıqqa kilergä mömkin qansızlıq riskına qarşı çara bulırğa mömkin. Awırlı waqıtta tağın da kübräk kiräk buluçı foliy kislotası da cännät xörmäseneñ köçle azıq qıymmätlärennän berse. Şulay da, älege cimeşne qullana başlağançı tabibığız belän kiñäşläşegez.  

9.Şikär awırtuın çikli häm qatlawlanu qurqınıçın kimetä

Trabzon xörmäseneñ qabığında diabetqa qarşı häm antioksidant üzençäleklärgä iyä buluı raslanğan êffektiv matdälär bar. Ul şikär xastalığına da, annan kilep çığuçı başqa çirlärgä qarşı da êffektiv.

10.Yalqınsınunı kimetergä yärdäm itä

Trabzon xörmäse, äytkänebezçä, köçle antioksidant C vitaminına bay. Ul küzänäklärne irekle radikalar kiterep çığara torğan bozılulardan saqlawğa yärdäm itä häm organizmdağı ülekkä qarşı köräşä.

11.Buın sälamätlegen nığıta

Trabzon xörmäse organizmdağı yalqınsınunı kimetä aluı öçen buın sälamätlegenä dä yaxşı täêsir itä.

 Tabib Mäxmät Uçar kiñäşläre