Bäbilärdä gaz problemasına tabiğıy ısullar

Sezneñ bäbiyıgez gazdan tınıçsız bulğan çaqta şuşılarnı sınap qarağız:

• Bäbiyıgez aşarğa teläp ozaq itep yılağançı aşatırğa kereşegez. Bäbilär açlıqtan yılağan çaqta hawa yotalar. Bik nıq açıqqan bäbi aşata başlağan çaqta tiz yotlığa başlıy häm ğadättägedän tağın da kübräk hawa yotaçaq. Bäbiyıgez tulısınça uyanıp yılağan çaqta häm soñğı tuqlanudan kim digändä ber yäki ike säğät uzğan bulsa bütän tuqlanunı başlap qarağız.
• Gazğa säbäp bulğan faktorlarnıñ iñ başında, äni yäki imezlek şeşäseme, ayırması yuq, bäbilärdä imü problemaları tora. Bäbi änisen tiz imgän waqıtta hawa yotqanda gaz problemasın da yäşi. Şuña kürä bäbiyıgezneñ söt imgän çaqta kükrägegezne tulısınça qaplap totıp toruına häm hawa yotmawına iğ’tibar itegez. 
• Bala gazı, tuqlanğaç, şunda uq çığarılırğa tiyış. Xätta imü waqıtında da, yäğ’ni ber kükräktän ikençesenä küçkän çaqta da gazınıñ çığarıluı möhim. Bäbine imezgännän soñ yaqınça 25 minut buyı qoçağığızda turı totıp torığız. Bu aşqazanınıñ häm klapannıñ ciñellegen buldıra häm gaznıñ barlıqqa kilüen beraz ciñeläytä.
• İmezlek şeşäse belän aşatqan çaqta östämä kikertüenä mömkinlek birü öçen aşatqannan soñ balağıznı berniçä minut buyı turı totıp torığız. Ayıruça qaysısınıñ bäbiyıgezneñ bik tiz yotmıyça häm çäçrämiçä aşatu mömkinlegen birüen kürü öçen törle imezlek häm imezlek şeşälären qullanıp qararğa kiräk. İmezlek şeşäse belän aşatqan çaqta tişekneñ bik zur yäki keçkenä bulmawına iğ’tibar itegez. Balağıznıñ yäşenä turı kilgän imezlek şeşäsen alırğa häm qullanırğa tırışığız.
• Gaznı çığaruda qıyınlıq çikkän çaqta balağıznı ber minutqa yatırığız häm annan soñ tigez itep totığız häm yañadan qabatlap qarağız.
• Qarın östendä yatqıru waqıtın arttırığız. Balağızğa kön däwamında yoqlamağan çağında küp itep qarın östendä yatqırığız.
• Bäbineñ ayaqların cılı totu möhim. Ayaqları öşegän balalarda gaz probleması tağın da yışraq bulırğa mömkin. Bäbilärneñ yoqlağan çaqta ayaqların yış kontrol itärgä kiräk, öşegän çaqta cılı su qapçığı belän ayaqların cılıtırğa kiräk.
• Bülmä temperaturası artıq êsse dä, artıq salqın da bulmasqa tiyış.

Bäbineñ gazı niçek çığarıla? Gaznı çığaru ısulları nindi?

Bäbineñ gazın çığaru öçen aşqazanına ciñelçä bastırıp, gaznı çığaruğa bulışlıq itüçe tübändäge manevrlarnı yasarğa kiräk:

• Balanı arqasına quyıp, qarnına säğät yünäleşendä massaj yasaw häm annan soñ tezlären qarnına taba xäräkät itterü bäbineñ gazınıñ çığuında êffektiv bulırğa mömkin.
• Aşatqannan soñ balanıñ aşqazanı öleşenä ciñelçä bastırılırlıq itep qoçaqqa alıp, sabıynıñ iyägeneñ cilkägä tayandıru häm arqasın sıypaw gaznıñ çığarıluına bulışlıq itä ala.
• Balanıñ qarnınıñ ayaq östenä turı kiterep yatırıp, arqasın suypaw da gaz çığaru öçen ber ısul.
• Gaznı çığarğan çaqta aşqazanı östenä artığınnan basu qosuına säbäp bula alğanı öçen artıq basım yasamasqa kiräk.
• Bäbiyıgezne aşatqannan 15-20 minuttan soñ ayaqların velosiped pedalen äyländergän kebek äkrenläp xäräkät itteregez.
• Bäbilär ğadättän tış êsselekkä, tar kiyımnärgä, ğailädäge kiyırenkelekkä häm öydä bik küp keşe buluğa çiktän tış duçar bulu arqasında xozursızlıq häm artıq yılaw belän reakśiyäsen kürsätä. 
• Bäbilär üsüe tizlängän çaqta tağın da kübräk imärgä telilär.

Balanı yuatır, tınıçlandıru öçen närsä êşläp bula?

Här bäbineñ räxätläw ısulı törleçä bulırğa mömkin. Monıñ öçen törle ısullarnı qullanırğa kiräk. Tübändäge ısullardan faydalana alasız:

• Bäbine odeyalğa törü,
• Qarnına cılı sölge quyu,
• Bäbine duşta yuarğa häm annan soñ organik zäytün mayı yäki bäbi mayı belän massaj yasaw

(Qabırğalardan başlap êçäk öleşenä qadär tügäräk xäräkätlär belän yasalğan massaj êçäklärne xäräkätländerä. Ciñelçä bastırıp suldan uñğa taba massaj yasaw şaqtıy faydalı bula. Arada ber bäbineñ ayaqların qarnına taba êtterü balanıñ gaz çığaruın ciñeläytä.

• Qoçaqlaw,
• Qoçaqta ciñelçä tirbätü,
• Aq tawış dip äytelgän qayber tawışlarnı tıñlatu. Yaña tuğan bäbilärdä täêsire şaqtıy yuğarı bulğan bu tawışlar bäbine räxätlätü öçen qullanıla alına. Tawış äni qarnındağı tawışlarğa oxşarğa mömkin. Çäç kiptergeç, tuzansuırtqıç kebek tawışlı cihazlarnıñ êşläwe belän dä mömkin. Üzen ışanıçta xis itüçe bäbine tınıçlandırıp yoqlatu tağın da ciñelräk.
• Bişek cırın yäki tınıçlandıruçı muzıkanı tıñlattıru,
• Kolik arqasında bik qatı awırtuı bulğan häm yılağan balanı arbada (kolyaskada) gizderü ısulı belän yoqlatu da faydalı. 
• Bäbine arbasında (kolyaskada) gizderü,
• İmezek qullanu,
• Änineñ balağa uzğan çaqta yasağanı kebek keçkenä yıraqlıqta cäyäw yörep alu da bäbineñ tınıçlanıp yoqlawına bulışlıq itä.

Baladağı gaz probleması öçen êffektiv daru yuq.

Qoçaqta yörtüneñ, daimi vannada yuunıñ, ğadättä kiçke säğät cide tiräsendä, qarın öleşenä cılı sölge quyunıñ, ayaqların cılıda totunıñ häm massaj yasawnıñ yılaw waqıtın kimetüe belenä.

Kolik awırtu yäşäwçe bäbilärneñ ğailälärenä balalarınıñ yaxşı üseş aluı häm sälamätlek problemasınıñ bulmawı, bu torışnıñ iñ küp 3 ayğa qadär däwam itä alaçaq waqıtlı xäl buluı turında mäğ’lümat birü bik möhim.

Ğailägä psixologik qaraş bik ähämiyätle. Ata-anağa bu mäs’älädä täfsille räweştä mäğ’lümät birü bu wazğıyätne xäl itüneñ iñ möhim şartı. Atakalar waqıtında ğailäneñ totışı balanı yuatıp tınıçlandıruğa yünälgän bulırğa tiyış.

Avtor: Tabib Mäxmät Uçar

Balalar immunitetın nığıtabız | TRT Tatarça

 

Bäbi ayaq kiyımen alğan çaqta närsägä iğ’tibar itärgä kiräk? | TRT Tatarça

 

Aşqazanı - êçäk infekśiyälärennän saqlanu çaraları | TRT Tatarça

 

Artıq awırlıq häm anıñ sälamätlegebezgä täêsire | TRT Tatarça

 

Balalarda êç kibüdän tabiğıy däwalaw ısulları | TRT Tatarça