Turizmda iñ tiz bron’ yasawda (ясaудa) inglizlär berençe buldı

Urta diñgez turistik qunaqxanäçelär häm operatorlar berlege başlığı Kaan Kavaloğlu Antaliyada turizmdağı xäräkätlelekneñ däwam (дәвам) itüen, törle illärdän qunaqlarnıñ Antaliyanı saylap aluın äytte.

Antaliyağa kilgän turist sanınıñ bıyıl 11 millionnan kübräk buluın citkerüçe Kavaloğlu: "31nçe avgusttağı torışqa kürä, berençe urında Rusiyä, ikençe urında Germaniya häm öçençe urında Angliya tora. Çit ildän kilgän töreklär dä isäpkä alınğan oçraqta Antaliya bularaq 31nçe avgusttağı torışqa kürä, rekord yılı bulğan 2019 sanın uzdıq. Bu da bezneñ öçen çınnan da ömet birüçe”, - dip äytte.

Angliyanıñ Törkiyä öçen üsep kilüçe bazar buluın iskärtep uzuçı Kavaloğlu anıñ artınnan bik möhim bazar bulğan Pol’şanıñ kilüen añlattı.

Angliyadan kilüçelär sanınıñ berençe tapqır uzğan yılda 1 millionnı uzuına basım yasawçı Kavaloğlu bıyıl da sannıñ 1 million yarımğa yaqınayuın iskärtep uzdı.

2024nçe yıl öçen berençe bron’närne ala başlawların da belderüçe Kavaloğlu: "Dön’yada iñ tiz xäräkät itüçelär inglizlär. Böyıkbritan watandaşları iñ irtä bron’ yasawçı turist profile. Xäzerge waqıtta 2024nçe yıl öçen Böyıkbritannan bik citdi külämdä bron’ alabız. 10%tan kübräk urın ayırılıp quyıldı. Ämma bu küläm üktäbr axırında 40%qa qadär diyärlek citä. Bu räweşle yıl citkänçe ük 50% satışıbıznı Angliya bazarınnan tämamlıybız”, - dip äytte.