Jerar Depard’ye saq astında
75 yäş'lek aktyer censi bäylänülärdä ğayeplänä
Franśuz aktyer Jerar Depard’ye censi bäylänülärdä ğayeplänep saq astına alındı. İl matbuğatında urın alğan xäbärlärgä qarağanda, anıñ 2012nçe häm 2014nçe yıllarda fil’m töşergän waqıtta ike xatın-qızğa censi bäylänüe turında söylänä. Bu nisbättän soraw alırğa çaqırılğan 75 yäş’lek aktyernı izolyatorğa yabalar.
Depard’ye aktrisa Şarlotta Arnol’dnıñ şiqayätennän soñ 2020nçe yılda köçläw häm censi bäylänüdä ğayeplände. Aktrisa Xelen Darrasnıñ 2007nçe yılda ber fil’m töşerü waqıtında üzen censi êzärlekläwdä ğayepläwçe şiqayäte isä waqıt çikläwläre arqasında kire qağıldı.
Depard’yeğa qarata bu tör ğayepläwlär şaqtıy küp. Oktyabr’ ayında ul “Le Figaro” gazetında basılğan açıq xatında bu süzlärne kire qağıp: “Berqayçan da xatın-qızlarnı cäberlämädem”,-dide.
