Qırğızstanda “Mäykin Aziya” muzıka festivale başlandı
Qırğızstannıñ Isık kül (êsse kül) yar buyındağı yal itü märkäze Çolpon-Ata şähärendä oyıştırılğan 3nçe "Mäykin Aziya" xalıqara muzıka festivaleneñ räsmi açılış tantanası ütkärelde
Qırğızstan mädäniyät, informaśiya (информация), sport häm yäş’lär säyäsäte ministrı Altınbäk Maksutov tantanada yasağan çığışında festivalneñ iñ abruylı häm däräcäle muzıka çaralarınnan bersenä äylänüen äytte.
Maksutov festivalneñ sälätle yäş’ cırçılarnıñ kar’yerasına (карьерасына) häm dönyada dan-şöhrätkä iyä buluına öleş kertüen belderde.
TÜRKSOY xalıqara törki mädäniyät oyışması ğomum särkätibe Soltan Raev ta, festivalneñ berençeseneñ 2013nçe yılda ütkärelüen xäterlätep: "Mäykin Aziya xalıqara muzıka festivaleneñ minem öçen xosusıy urını bar. Çönki bu festival’ törki dönyadağı zamanca muzıkanıñ, duslıqnıñ, maturlıqnıñ häm motivaśiyanıñ (мотивацияның) festivale”, - dip äytte.
Qırğızstan mädäniyät, informaśiya (информация), sport häm yäş’lär säyäsäte ministrlığı oyıştırğan festival’ğa Qırğızstan xökümäte, Isık kül gubernatorlığı, Qırğızstan däwlät teleradiokompaniyası belän TÜRKSOY bulışlıq itä.
Festival’dä Qırğızstannan cırçı Aqtan İsabayıv räislegendäge jyuridä Törkiyädän kompozitor Sälim Çaldıran, Tön’yaq Makedoniyadan Bötendönya festivallär berlege başlığı Maryan Katarovski, Qazaqstannan däwlät sänğätçese Bahtiyar Taylakbayıv, Üzbäkstannan däwlät sänğätçese Nodir Sidikov, Rusiyädän prodyuser Vadim Xösäyınov bar.
Festivaldä Azärbaycan, Qırğızstan, Qazaqstan, Üzbäkstan, Macarstan (Vengriya), Törkiyä, Tön’yaq Kipr Törek Cömhüriyäte, Bosniya-Hersegovina, Rusiyä, Bolgariya, Tön’yaq Makedoniya, Sloveniya häm Serbiyadan 18-35 yäş’täge sälätle yäş’ cırçılar qatnaşa.
Qırğızstannı global’ mädäniyät häm turizm ölkäsenä integraśiyäläwne (интеграцияләүне) maqsat itüçe festivalneñ finale, büläk tapşıru tantanası häm galakonśert (концерт) bügen bulaçaq.
