Uraloğlu: “Portlarıbızğa kilgän kruiz qorabı häm yulçılar sanı rekord däräcädä kübäyde”
Transport häm asqorma ministrı Abdulkadir Uraloğlu: "Dön’yada yäşängän qayber tiskäreleklär arqasında turizm tarmağı awır könnär yäşäde. Läkin ilebez turizmda şuşı tiskäreleklärgä qaramastan soralğan il buldı", - dip äytte
Ministrlıqtan yasalğan belderügä kürä, Uraloğlu Türkiyäneñ portlarına kilep tuqtağan kruiz köymäläre häm yulçı sanı mäğ’lümatlären bäyäläde.
Dön’yada yäşängän qayber tiskäreleklär arqasında turizm tarmağınıñ qatlawlı könnär yäşäwen belderüçe ministr Uraloğlu: “Fäqät ilebez turizmda şuşı tiskäreleklärgä qaramastan soralğan il buldı. Monıñ da iñ zur kürsätkeçe arta baruçı kruiz turizmı. Portlarıbızğa kilgän kruiz qorabı häm yulçılar sanı uzğan yılğa qarağanda rekord däräcädä arttı”, - dip belderde.
Ministr Uraloğlu bıyıl iyün’ ayında häm ğıynwar-iyün’ çorında portlarğa kilep tuqtağan kruiz köymäse häm yulçı sannarı belän bäyle bularaq tübändäge mäğ’lümatlärne citkerde:
"2023nçe yılnıñ iyün’ ayında portlarıbızğa kerep çıqqan kruiz qorabı sanı uzğan yılnıñ şuşı uq ayına qarağanda 14,8%qa kübäyıp 140 buldı. İyün’dä portlarıbızğa kilgän kruiz köymäse yulçı sanı isä uzğan yılnıñ şuşı uq ayına qarağanda 58,2% artu belän 183 meñ 407 buldı.
Bıyıl ğıynwar-iyün’ çorında isä portlarıbızğa kilep tuqtağan kruiz qorabı sanı ütkän yılnıñ şuşı uq çorına qarağanda 32,5 artış belän 420, portlarıbızğa kilgän kruiz köymäse yulçı sanı da uzğan yılnıñ şuşı uq çorına qarağanda 88,8%qa artıp 482 meñ 925 buldı."
