Türkiyäneñ berençe milli boksçısı - Garbis Zakaryan

Quşamatı “Timer yodrıq” bulğan Garbis Zakaryan  - Türkiyäneñ berençe milli boksçısı.

Anıñ xörmätkä layıq tormışı, fidaqar’ xolqı, totrıqlı sport kar’yerası bar ide.

Ul boksqa ğaşıyq ide.

Olı yäş’tä dä söyläşergä bik yaratmıy ide.

Boks turında söylägändä küzläre balqıp tora ide.

Türkiyäneñ berence milli boksçısı häm Yaqın Könçığış boks çempionı Garbis Zakaryan 1930 nçı yılnıñ 2 nçe iyünendä dön’yağa kilde.

Ul Bäyoğlu klubında boks belän şöğıl’länä başladı.

24 yäşendä Türkiyäneñ berence professional’ boksçısı buldı.

Şaxan Minasyan häm Vasken Lusikyan belän Taksim klubınıñ boks filialın oyıştırdı.

“Galatasaray” forması belän Türkiyä häm İstanbul çempionatlaırında ciñde.

22 yıllıq kar’yerasında Zakaryan üzeşçän bulıp 200 tapqır, professional’ bularaq 51 tapqır çığış yasadı.

1964 nçe yılda livanlı Marun Djeresnı ciñep Yaqın Könçığış çempionı buldı.

Ul Germaniya, Franśiya, Argentina, Livan häm Misır kebek küp illärdä çığış yasadı.

Boks kar’yerasın 1966 nçı yılda tämamladı.

Zakaryan şulay uq trener wazıyfasın da başqardı, bik küp boksçılarnıñ, şul isäptän Cämal Kamacınıñ da trenerı buldı.

Garbis Zakaryan 2020 nçe yılnıñ 25 nçe ğıynwarında yaqtı dön’yadan kitte.

Wasıyäte nigezendä Şişlidäge ärmän ziratına cirlände.

Zakaryannıñ ülemeneñ öçençe yılında  “Altın yöräkle pirçätkä - Garbis Zakaryan“ isemle dokumental’ fil’mnıñ prem’yerası bulaçaq.

Tanılğan boksçınıñ tormışı turındağı dokumental’ fil’m İlbaşı idaräse êlemtä bülegeneñ yärdäme belän äzerlände.

Legendar boksçınıñ ulı Gapsar Zakaryan “TRT Xäbär” kanalına ätiseneñ boksnı niçek yaratuı turında söyläde.

“14 yäş’tä sport klubına bara.

Boks uynıy, ul aña bik oşıy. Min boks uynayaçaqmın di.

Öyeñä qayt bala. Närsä êşliseñ monda dilär.

Ul kitärgä telämägäç, ”Awırlığıñ citmi, beraz üs ,annan soñ kil” dip qaytarıp cibärälär.

Klubqa kilep şöğı’llänä başlıy, annan soñ İstanbul çempionatı, şulay däwam itä.

Awır şartlarda üsep yuğarığa kütärelgän Zakaryan öçen boks tormışnıñ mäğ’näse ide.

Zakaryan süzlärenä qarağanda, boks bik asıl,zatlı sport töre ide.

“Bez şuğışırbız, läkin soñınnan qoçaqlap übeşerbez” dip äytä ide äti.

Suğışlar arasındağı yıllarda balaçağı bik awır uza ätiyemneñ,

Çönki 14 yäşendä ätisen yuğalta, uramda gazet sata, törle êşlärdä êşli, başlangıç mäktäpne tämamlıy, bütän uqıy almıy, mömkinlege bulmıy.

Mondıy şartlarda zur uñışlarğa ireşüe,bügen isä monıñ kire qaytarıluı belän bez bik qorurlanabız” dip iskä ala ul ätisen.

Dokumental’ fil’mnıñ prem’yerası 30 nçı martta bulaçaq.

Garbis Zakaryan istälegenä kürgäzmä dä açılaçaq.