Törek sportçısı futbol yoldızlarınıñ formaların sata

İtaliyäneñ A seriyäse komandası Atalantada uynawçı Türkiyä milli futbolçısı Märix Dämiralnıñ Kaxramanmaraş cir teträwlärennän zıyan kürüçelär öçen başlağan kampaniyäsenä teläktäşlek däwam itä. Ul sośial’ media akkuntı aşa citkergän yazmasında Franśiyäneñ Paris Sen-Jermen klubı yozdızları argentinalı Lionel Messi häm Franśiyäneñ milli futbolçısı Kilian Mbappe, İspaniyäneñ Real Madrid klubında uynawçı Bel’giyä sportçısı Êden Xazardnıñ imzalı formaların cibärüen äytte.

Älege formalar aukśionda satılaçaq häm annan kilgän tabış cir teträwlärdän zıyan kürüçelärgä tapşırılaçaq.

Märix Dämiräl kampaniyägä teläktäşlek kürsätkän Xakan Çalxanoğluna da räxmät äytte.

Monnan alda törek futbolçısınıñ iniśiativası belän Angliyäneñ “Mançester Siti” klubınnan norvegiyäle Êrling Xaaland häm bel’giyäle  Kevin De Bruyne, “Tottenxêm”nan ingliz Xarri Keyn, Soğud Ğaräbstanı klubı “All Nassr”dan portugaliyäle yoldız Kriştianu Ronaldu, “Yuventus”tan ital’yan Leonardo Bonuççi, “Roma”dan argentinalı futbolçı Paulo Dibala, “Atletiko Madrid”tan ispan Alvaro Morato häm franśuz Antuan Grizmannıñ imzalı formaları aukśionda satıldı.   

Märix Dämiräl beldergänçä, Ronaldu, Bonuççi häm Dibalanıñ formalarınnan 5 million lira tabış alınğan.