Türkiyägä soñğı 11 ayda kilgän turist sanı

Türkiyä mädäniyät häm turizm ministrlığı turizm statistikasın açıqladı.

Açıqlanğan sannarğa kürä, Türkiyä 2022nçe yılnıñ 11 ayında 47 million 601 meñ 580 turistnı qabul itkän.

Mädäniyät häm turizm ministrlığınıñ ğıynwar’-noyabr’ mäğ’lümatlärenä kürä, Türkiyägä monnan aldağı yılnıñ şuşı uq çorına qarağanda 84,77% artu belän 42 million 164 meñ 954 çit il keşese kilgän.

Noyabr’dä çit il turistı sanı şulay uq uzğan yılnıñ şuşı uq ayına qarağanda 44,64%qa artqan häm 2 million 551 meñ 483kä citkän.

İñ küp turist cibärgän illär isemlegendä 5 million 481 meñ 385 keşe belän Germaniya berençe, 4 million 945 meñ 198 keşe belän Rusiyä ikençe, 3 million 301 meñ 112 keşe belän Angliya öçençe urında. Angliyadan soñ Bolgariya häm İran kilä.

Türkiyägä 2022nçe yılnıñ noyabr’ ayında iñ küp turist cibärgän illär isemlegendä isä 312 meñ 486 keşe belän Rusiyä berençe, 232 meñ 709 keşe belän Bolgariya ikençe, 207 meñ 340 keşe belän dä Germaniya öçençe buldı.