Türkiyedä "Mädäniyät yulı festivale”

Türkiyeneñ xalıqara marka qıymmätenä öleş kertü niyäte belän oyıştırıluçı "Mädäniyät yulı festivale” 16nçı sentyabr’dän 23nçe oktyabr’gä qadär uzaçaq.

Mädäniyät häm turizm ministrlığı tarafınnan ul bıyıl İstanbul, Änkara, Diyarbakır, Çanakkalä häm Kon’yada bula. Kiläse yıl isemlekkä İzmir häm Adana da östäläçäk.

Festival’lär cämäğat’çelekneñ här katlamın mädäniyät häm sänğat’ belän oçraştıraçaq. Anda opera, kino, ädäbiyat, biyü, muzıka, śifrlı sänğat’kä qarawçı bik küp çaralar täq’dim itelä.

Mädäniyät häm turizm ministrı Mäxmät Nuri Ärsoy festival’lär belän çit illärneñ matbuğatınnan da qızıqsınu artuın söyli. “Bu qadär kiñ külämle festival’ dön’yada yuq. Yäş’ törkeme bularaq ta, çara bularaq ta, mäydan taralışı belän dä külämle,”-di ul.

Türkiye kiläse yıllardağı festival’lärgä arxeologik baylıqlar häm gastronomiyädäge üzençäleklären dä östäp, köndäşlärennän ayırılıp toraçaq.