Ayasofiya öçen dokumental' fil'm häm kitap

Törkiyä ilbaşı idaräseneñ êlemtä bülege tarafınnan Ayasofiya mäçeteneñ qabat ğıybadät öçen açıluınıñ ikençe yılı uñayınnan “Törkiyäneñ Ayasofiyaları” isemle dokumental’ fil’m äzerlände.

Älege dokumental’ fil’mda İstanbuldağı Ayasofiya mäçete belän bergä Anadolunıñ törle şähärlärendä urnaşqan 9 Ayasofiya mäçeteneñ tarixı añlatıla.

Fil’m Törkiyäneñ mädäni häm dini turizmın tanıtunı maqsat itep quya.

”Törkiyäneñ Ayasofiyaları” isemle domental’ fil’m irtägä Törkiyä waqıtı belän 21.00 säğät’tä TRT Dokumental’ fil’m ( TRT Belgesel) kanalında häm ilbaşı idaräse êlemtä bülegeneñ sośial’ media akkauntları aşa kürsäteläçäk.

Êlemtä bülege şulay uq “İskitkeç Ayasofiyanıñ arxitektura üzençälekläre” isemle 103 bitle maxsus kitap ta bastırıp çığardı.

Ayasofiya mäçete 2020 nçe yılnıñ 24 nçe iyülendä räsmi räweştä ğıybadät qılu öçen açıldı.