Törkiyägä 5 ayda çit ildän kilüçelär

Mädäniyät häm turizm ministrlığınnan yasalğan belderügä kürä, Törkiyägä ğıynwar-may aylarında kilüçelärneñ 11 million 301 meñ 602se çit il keşeläre, 1 million 408 meñ 829ı isä çit illärdä yäşäwçe törek watandaşları.

Yılnıñ berençe 5 aylıq çorında Törkiyägä kilgän çit il keşeläre sanı uzğan yılnıñ şuşı uq çorına qarağanda 207,10%qa artqan.

Törkiyägä 2022nçe yılnıñ ğıynwar-may aylarında iñ küp turist cibärgän illär isemlegendä monnan aldağı yılnıñ şuşı uq çorına qarağanda Germaniya 367,24% artu belän berençe, Bolgariya 334,88% artu belän ikençe, Rusiyä dä 49,40% artış belän öçençe urında. Rusiyädän soñ İran häm Angliya kilä.

Germaniyadan kilüçelär bıyıl 1 million 308 meñ 721, Bolgariyadan 945 meñ 976, Rusiyädän 853 meñ 590 buldı.

Törkiyägä bıyıl may ayında kilgän çit il keşeläre sanında da uzğan yılnıñ şuşı uq ayına qarağanda 308,48% artu belän 3 million 824 meñ 555 buldı.

2022nçe yılnıñ may ayında Törkiyägä iñ küp turist cibärgän illär isemlegendä Germaniya 494 meñ 929 keşe belän berençe buldı. Angliya 395 meñ 56 keşe belän ikençe, Rusiyä 362 meñ 676 keşe belän öçençe buldı. Bu illärdän soñ Bolgariya häm İran kilä.