BMOdan Törkiyägä awıl turizmı yünäleşe büläge
BMO Bötendönya turizm oyışması Nävşähirneñ Mostafapaşa awılı belän Sakar’yanıñ Taraqlı ilçäsen "awıl turizmı marşrutı” bularaq büläkländerde
Mädäniyät häm turizm ministrlığınnan yasalğan belderügä kürä, turizmnı awıl cireneñ üseşe, üzgärüe häm cämğiyät mullığı öçen uñay köçkä äyländerü maqsatınnan çığıp bıyıl "İñ yaxşı turizm awılları iniśiativası"n başlatqan BMO Bötendönya turizm oyışması Törkiyädän ike awıl turizmı yünäleşen sayladı.
Nävşähirneñ Mostafapaşa awılı belän Sakar’yanıñ Taraqlı ilçäse İspaniya başqalası Madridta oyıştırılğan BMO Bötendönya turizm oyışmasınıñ 24nçe Ğomum şurasında büläkkä layıq buldı.
Bäygedä 32 ildän tuplam 44 awıl turizmı marşrutı üzençälekle tabiğıy häm mädäni sıyfatları, saqlap qalınğan tradiśion yäşäw ısulı belän daimi häm kiñ qolaçlı awıl iq’tisadıy êşçänlegenä qağılışlı mömkinlekläre arqasında şuşı büläkkä iyä buldı.
Mustafapaşa belän Taraklı 75 ilneñ 175 möräcäğäte arasınnan büläk qazanğan yünäleşlärgä kerü uñışına ireşte.
Bäyläneşle xäbärlär
Antaliyağa bıyıl küpme turist kilde?
Antaliyağa kilgän çit il turistı sanı 1 million 870 meñgä citte
