Kapadokiyağa bıyıl 10 ayda 2 millionğa yaqın turist kilgän

Päri morcaları, qıya taşınnan uyıp yasalğan tarixi qorılmaları, cir astı şähärläre, qaynar hawa şarı turları, at häm cir mäydanı maşinaları safariläre belän dönyanıñ dürt ber yağınnan turistlarnıñ iğ’tibarın cälep itüçe Kapadokiya “Kovid-19” çaraları qısalarında uzğan yılnıñ ğıynwar’-üktäbr’ çorında 874 meñ 424 turistnı qabul itte.

Töbäktäge muzeylarda häm xäräbälär urınnarında bıyıl şuşı uq çorda isä 1 million 917 meñ 657 turist bulğan.

Zälvä xäräbälär mäydanı 534 meñ 241 kilüçe belän berençe bulsa, 458 meñ 776 turist bulıp kitkän Görämä öste açıq muzey ikençe, 280 meñ 680 kilüçe belän Hacı Bäktaş Väli muzeyı öçençe buldı.

Töbäk iñ küp turistnı isä 428 meñ 883 keşe belän avgust ayında qabul itte.

Kapadokiyanı ğıynwar’-üktäbr’ aylarında 2016nçı yılda 1 million 358 meñ 292, 2017nçe yılda 1 million 946 meñ 151, 2018nçe yılda 2 million 602 meñ 835, 2019nçı yılda 3 million 292 meñ 109 turist gizgän ide.