Törek seriallarına Rusiyädän maqtaw yawdı

Törek serialların iñ küp qarawçı illärneñ başında Rusiyä tora. TRT kanalınıñ dön’yada qaraw buyınça rekord yasağan “Terelü Ärtuğrul” kartinasın, bigräk tä, älege ildäge möselmannar oşattı.

Rusiyäneñ RİA Novosti mäğ’lümat agentlığı törek serialları xaqında analitik xäbär çığardı. “Törek seriallarınıñ iskitkeç ğasırı” dip atala ul. Anda kartinalarnıñ dön’yadağı uñışı maqtalıp telgä alına. “Töreklär Êmmi büläklären aluçı proyektlar çığara” diyelä xäbärdä. Anda Rusiyädä dä kürsätelgän seriallardan özeklär täq’dim itelä.

Xäbärdä äytelgänçä, Törkiyäneñ mädäniyät industriyäse bazarında soñğı yıllarda serial çığaru AQŞtan soñ ikençe urınğa mende. Anda törek seriallarınıñ könbatış kartinalarınnan ayırıp toruçı iñ zur üzençälegeneñ konservativ êlementlarğa iyä buluı ikäne assızıqlana.

Avtor seriallarnıñ qaraluında ilbaşı Räcäp Tayyip Ärdoğannıñ da öleşe buluına basım yasıy.

Törek serialları 100dän artıq ildä kürsätelä. Alar Törkiyä iq’tisadına 500 million dollar öleş kertte. Xäbärdä yazılğança, qızıqsınu artqan sayın xalıqara fil’m platformaları törek seriallarına tağın da kübräk urın birä.