Şahika Ärcümän - "Su tormışın saqlawçı”

BMOnıñ üseş programması Törkiyä wäkillege Bötendön’ya irekle dayving rekordsmenı Şahika Ärcümänne “Su tormışın saqlawçı” iğ’lan itte.

8nçe iyün’ - okean köne uñayınnan älege sportçı qatnaşında onlayn matbuğat cıyılışı ütkärelde. Anda Şahika Ärcümänne söyeneçle maqsat belän çaqıruların äyttelär. “Bu maqsatnıñ ber öleşe buluım öçen min bäxetle, dön’yada kürergä telägän üzgäreşlärneñ sport, sänğat’, fän yärdämendä tormışqa aşaçağına ışanam,”-dide BMO üseş programmasınıñ Törkiyä yaxşı niyät ilçese Märt Fırat.

Oyışmanıñ Törkiyädäge daimi wäkile Klaudio Tomasi isä Şahika Ärcümänneñ  “Su tormışın saqlawçı” bularaq saylanuınıñ berdänber säbäbe sporttağı uñışları bulmawın assızıqladı. “10 tapqır dön’ya rekordı quyu – bäxässez uñış. Çın mäğ’näsendä, Şahikanıñ su astında tormışı bar. Antarktikadan Salda külenä qadär dön’yadağı keşe qulı timägän moğcizalarğa şahit buldı. Su astındağı maturlıqnı kürsätep kenä qalmadı, bezne plastik atıqlar häm biologik törlelekkä yanawçı faktorlar, diñgezlärneñ êkosistemasındağı invaziv törlär xaqında da kisätte,”-dide ul.