TRT Ğomum mödirenä TÜRKSOY büläge

Törkiyäneň TRT teleradiokompaniyası Ğomum mödire İbrahim Ärän TÜRKSOY Xalıqara törki mädäniyät oyışması tarafınnan "Törki dönyanıň mädäni bötenläşüenä öleş kertüe” uňayınnan “Çıňğız Äytmätov altın medale”nä layıq dip tabıldı.

İbrahim Ärän TÜRKSOY binasında oyıştırılğan tantanada yasağan çığışında mondıy qimmätle büläkne aludan bik zur däräcä häm ğorurlıq xis itüen belderde.

TRT bularaq Sovet Sośialistik Cömhüriyätlär Berlege tarqalğan 1990nçı yıllarnıň başınnan birle Törkistan häm Törki-İslam geografiyasında wäkilçeleklär açuların xäterlätüçe Ärän TRTneň şuşında kertkän öleşeneň kompaniyanıň iň töp êlementlarınnan berse buluın assızıqladı.

Soňğı yıllarda 14 televideniye häm 16 radio kanalı belän TRTneň dönya külämendä bik zur däwlät teleradiokompaniyası buluın belderüçe Ärän “TRT Awaz” kanalınıň isä qorılğan könnän birle törki dönyağa öleş kertüne maqsat itüen äytte.

TRT xezmättäşlek urnaştırğan TÜRKSOYnıň törki dönyanıň telenä, mädäniyätenä häm sänğätenä öleşeneň bäyä birep betergesez buluına basım yasawçı Ärän: "Törkistan geografiyası belän Anadolunıň bäyläneşen qabat canlandıru häm xatirälärne köçäytü maqsatınnan çığıp tapşırularnı, seriallarnı häm dokumental’ fil’mnarnı tormışqa aşırabız häm aşırırğa däwam itäçäkbez”, - dip äytte.

TÜRKSOY Ğomum särkätibe professor doktor Düsen Kaseinov ta TÜRKSOYnıň, atalardan qalğan bay mädäni mirasnıň yäşätelüen täêmin itep, dönyağa tanıtıluı häm kiläse buınnarğa citkerelüe maqsatınnan çığıp dönyanıň törle töbäklärendä häm illärendä êşçänleklären armıy-talmıy däwam itülären äytte.

Kaseinov çirek ğasır uzğan şuşı barışta TÜRKSOY êşçänlegenä TRTneň härwaqıt bulışlıq itüenä basım yasadı.

Çığıştan soň Kaseinov İbrahim Ärängä medal’ne häm Çıňğız Äytmätov albomın täq’dim itte.