Törek hawa yulları turizm yärminkäsendä qatnaştı

Törek hawa yulları (THY)  Latin Amerikasınıñ iñ zur turizm yärminkäsendä qatnaştı.

Xalıqara turizm yärminkäse Argentina başqalası Buênos – Ayresta uza.

Törek hawa yullarınıñ Argentina mödire Yahya Zahit Şensoy Argentinanıñ Törek hawa yulları öçen töbäktä möhim punkt buluın belderep, “Bez bu yärminkägä Argentina xalqınıñ Törkiyä belän qızıqsınuın tağın da arttıru häm Törkiyägä niçek kilä aluların kürsätü öçen kildek. Yärminkä qısasında xalıqqa ilebezneñ maturlıqların tanıtabız” dide.

Latin Amerikasınıñ xalıqara turizm yärminkäsendä 52 ildän turizm tarmağında êşläwçe 1700 keşe qatnaşa häm 4 kön däwam itäçäk yärminkägä bıyıl 100 meñnän kübräk keşeneñ kilüe kötelä.