Qudüstä - mistika kürgäzmäse

Basıp alınğan Könçığış Qudüstä “Pıyala östendä räsem” kürgäzmäse açıldı. Anı Qudüstäge Yunus Ämrä törek mädäniyäte üzäge häm İbrahimiyä kölliyäte berlektä oyıştırdı.  Çarada Xalä Bakrinıñ pıyala östendä yasalğan 40 äsären kürergä mömkin. Bu sänğat’çeneñ 2 yıllıq êşçänlege näticäse. Räsemnär mistik temalarğa bağışlanğan buluı belän dä ayırım iğ’tibarğa layıq.  

Xalä Bakri İbrahimiyä kölliyätendä sänğat’ uqıtuçısı bulıp ta êşli. Anıñ äsärlären düşämbe köngä qadär Yunus Ämrä törek mädäniyäte üzägendä kürergä mömkin. Kürgäzmä tamaşaçılarda zur qızıqsınu uyattı.

Qudüs Yunus Ämrä törek mädäniyäte üzäge Fälästindäge sänğat’ çaralarına öleş kertü maqsatı belän räsem kürgäzmäse, konśert häm şiğır’ kiçäläre oyıştıra.