Törkiyä bıyıl 50 million çit il turistın qunaq itärgä niyätli

 Törkiyä bıyıl kötelgän turist sanına ireşü öçen ışanıçlı adımnar belän alğa bara.

Törkiyä säyäxät agentlıqları berlegeneñ Ägäy töbäge başlığı Tolga Gencer turistlar zur qızıqsınu kürsätkän häm noyabr’ ayında başlanğan bron’ kampaniyasınıñ tağın 2 ay däwam itäçägen belderde.

Ul Ägäy töbägendä kampaniyanıñ iñ küp Bodrum,Marmaris häm Kuşadası qunaqxanälärendä çağılış tabuın ,Ägäy töbägendä qunaqxanälärneñ 70%ınıñ xäzerdän tulı buluın ,sezonda buş urın tabunıñ mömkin bulmayaçağın citkerde.

Gencer Rusiya häm Germaniyanıñ yänä alda baruın, Awrupa külämendä dä Törkiyägä yünälü buluın ,bıyılğı sezonnıñ turizm tarmağı öçen bik yaxşı bulaçağına ışanuın äytte.  

Törkiyä säyäxät agentlıqları berlege idarä şurası äğ’zası İbrahim Xälil Kalay 4 ay buyı däwam itkän kampaniyanıñ bik tığız uzuın assızıqladı.

Ul Törkiyäneñ bıyıl 50 million çit il turistın qunaq itärgä niyätläwen, iñ küp taläpneñ Antaliyadağı qunaqxanälärgä buluın, Muğla qunaqxanälärenä dä iğ’tibarnıñ artuın citkerde.