Fälästinlelärneñ AQŞta qalu waqıtı ozaytılğan
Kiçekterü waqıtı - 18 ay
Amerika Quşma Ştatlarınnan kitärgä tiyeş fälästinlelärneñ ildä qalu waqıtı İzrailneñ höcümnäre arqasında ozaytılğan.
AQŞ milli qurqınıçsızlıq kiñäşçese Djeyk Sallivan yazmaça belderüendä İzrailneñ 7 nçe oktyabr’dä başlanğan Ğazzägä höcümnäreneñ Ğazzädäge gumanitar xälne zur külämdä naçaraytuın belderä.
Sallivan citkergänçä, AQŞ ilbaşı Djo Bayden töbäktäge höcümnär häm gumanitar ixtıyaclar arqasında Amerika Quşma Ştatlarındağı fälästinlelärneñ ildän kitüen kiçekterü turındağı boyırıqqa qul quyğan.
Sallivan kiçekterü waqıtınıñ 18 ay buluın iskärtä.
Djeyk Sallivan äytüençä, bu tärtipkä salu cinayät’ öçen xökem itelgän häm cämäğat’ iminlegenä qurqınıç tudırğan fälästinlelärgä qağılmıy.
Älege tärtipkä salu ildä waqıtlıça bulğan häm kiräkle şartlarğa turı kilgän barlıq fälästinlelärne üz êçenä ala.
