Ğazzädä êsselektän ülälär

İzrail höcüme astındağı Ğazzädä êsselektän kimendä 2 balanıñ ülüe belderelde.

BMOnıñ Yaqın Könçığıştağı fälästinle möhacirlärgä yärdäm häm mäşğul’lek agentlığı (UNRWA) “X” sośial’ media platformasında Ğazzädäge gumanitar xäl turında belderü yasadı. Çista su qıtlığı häm cılılıqlar artu säbäple wäzğıyät’ tağın da awırlaşqan.

Agentlıqnıñ ğomum komissarı Filipp Lazzarini bolay dip citkerä: “Êsselek arqasında kimendä 2 balanıñ ülüe turında xäbärlär aldıq. Tüzep bulaçaq tağın närsä qaldı? Ülem, açlıq, çirlär, yäşägän urınnarınnan quılu, tepliśa şikelle qorılmalarda xälsezländerüçe êssedä yäşäw…”

İzrail höcümnärendä 7nçe oktyabr’dän birle üterelgän fälästinlelärneñ sanı 34 meñ 454, yaralanuçılar 77 meñ 575kä citte.